Fótbolti

Sara með glæsimark í nýju skónum

Sindri Sverrisson skrifar
Sara í leik gegn Juventus í Meistaradeild Evrópu fyrr í vetur, þá í Nike-skóm.
Sara í leik gegn Juventus í Meistaradeild Evrópu fyrr í vetur, þá í Nike-skóm. Getty/ Jonathan Moscrop

Sara Björk Gunnarsdóttir skoraði glæsimark þegar Lyon tryggði sér sæti í 8 liða úrslitum frönsku bikarkeppninnnar í fótbolta í dag. Lyon sló út Stade de Reims með öruggum 5-0 sigri.

Sara skoraði markið af tuttugu metra færi, væntanlega í glænýjum Puma-skóm eftir að hafa gert samning við íþróttarisann á dögunum. Markinu er lýst sem stórglæsilegu í textalýsingu á Twitter-síðu Lyon.

Hin þýska Dzsenifer Marozsán skoraði þrennu í leiknum og franski landsliðsmiðvörðurinn Wendie Renard skoraði eitt mark líkt og Sara.

Næsti leikur Lyon er gegn Montpellier í frönsku 1. deildinni eftir rúma viku.

Franski boltinn

Tengdar fréttir

Sara Björk komin í Puma-fjölskylduna

Sara Björk Gunnarsdóttir, fyrirliði íslenska landsliðsins og leikmaður Evrópumeistara Lyon, hefur skrifað undir samning við íþróttavöruframleiðandann Puma.

Mest lesið


Fleiri fréttir

Sjá meira


×

Mest lesið