Innlent

John Snorri leggur af stað á toppinn

Elín Margrét Böðvarsdóttir skrifar
John Snorri og samferðamenn hans stefna á að ná toppi K2 á mánudaginn.
John Snorri og samferðamenn hans stefna á að ná toppi K2 á mánudaginn. Facebook

Fjallgöngugarpurinn John Snorri Sigurjónsson er að leggja af stað á K2 í dag og er stefnan sett á toppinn. John Snorri greinir frá því á Facebook í dag að hann stefni á að leggja af stað klukkan níu að kvöldi að staðartíma í Pakistan, eða núna klukkan fjögur að íslenskum tíma.

Hópurinn frestaði för sinni lengra upp fjallið um síðustu helgi þegar Bandaríkjamaðurinn Alex Goldfarb týndist og fannst síðar látinn.

John Snorri og föruneyti hans stefnir að því að ná toppnum um klukkan níu á mánudagsmorgun, 25. Janúar. „Leiðin upp verður gríðarlega mikil áskorun, við stefnum á að ná C3 um hádegi á sunnudag, hvíla okkur í smá stund og halda svo áfram leið okkar á toppinn klukkan 18:00,“ segir í færslunni sem birtist á Facebook-síðu hans nú síðdegis.

„Vonandi gengur allt samkvæmt áætlun og að förin á toppinn verði árangursrík. Við erum öll spennt og tilbúin þetta verkefni.“

Íslendingar erlendis Fjallamennska Pakistan John Snorri á K2

Mest lesið


Fleiri fréttir

Sjá meira


×

Mest lesið