Fótbolti

Messi sá rautt er Athletic Bilbao varð Ofurbikarmeistari

Anton Ingi Leifsson skrifar
Messi niðurlútur á meðan Bilbaoingar fagna.
Messi niðurlútur á meðan Bilbaoingar fagna. David S. Bustamante/Soccrates/Getty

Athletic Bilbao er Ofurbikarmeistari á Spáni eftir 3-2 sigur á Barcelona í framlengdum úrslitaleik í kvöld. Úrslitaleikurinn fór fram í Sevilla.

Antoine Griezmann kom Börsungum yfir á 40. mínútu en einungis tveimur mínútum síðar jafnaði Oscar de Marcos og staðan jöfn í leikhléi.

Raul Garcia virtist vera koma Bilbao yfir á 57. mínútu en markið var dæmt af eftir VARsjá skoðun.

Þess í stað skoraði Griezmann annað mark sitt og Börsunga tuttugu mínútum síðar en í uppbótartíma tryggði Asier Villalibre Bilbao framlengingu með jöfnunarmarki.

Það var á fjórðu mínútu framlengingarinnar sem sigurmarkið var skorað. Það gerði Inaki Williams en hann hafði lagt upp fyrsta markið.

Lionel Messi fékk rautt spjald á 120. mínútu fyrir brot langt frá boltanum en lokatölur 3-2 og Bilbao Ofurbikarmeistari.

Spænski boltinn

Mest lesið


Fleiri fréttir

Sjá meira


×

Mest lesið