Stella tekur fram skóna eftir sjö ára hlé

Stella lék síðast með SönderjyskE í Danmörku tímabilið 2013-14. Hún þurfti hins vegar að hætta í handbolta vegna höfuðmeiðsla.

Stella, sem er þrítug, var í lykilhlutverki í íslenska landsliðinu og lék með því á HM 2011 og EM 2012.

Hún hóf ferilinn með Fram og lék með liðinu áður en hún hélt í atvinnumennsku. Stella varð Íslandsmeistari með Fram 2013 og bikarmeistari 2010 og 2011.

Fram mætir ÍBV á laugardaginn í fyrsta leik sínum í Olís-deildinni eftir hléið langa. Leikurinn hefst klukkan 14:30 og verður sýndur beint á Stöð 2 Sport.

Olísdeildirnar í handbolta eru á Stöð 2 Sport en upplýsingar um útsendingar má finna hér. Olísdeildin er hluti af Stöð 2 Sport Ísland sem kostar 3.990 krónur á mánuði en einnig má kaupa útsendingar sem stakan viðburð á 990 krónur.