Eða svo segir Bryndís Loftsdóttir hjá Fibut, sérfræðingur Vísis í bóksölunni. Vísir birtir nú allra síðasta bóksölulistann fyrir þessi jól. Ekki seinna vænna. Þorláksmessa. Listinn sætir tíðindum. Arnaldur, sem hefur einokað listann í mörg herrans ár, þarf að láta í minni pokann fyrir Ólafi Jóhanni með sína snertingu. Reyndar nær Yrsa Sigurðardóttir, glæpasagnadrottningin, að ýta honum aftur fyrir sig líka en listinn sem nú er birtur tekur til daganna 14. til 20. desember.
Síðast þegar tókst að velta Arnaldi úr hásætinu var árið 2012. Þá kom fram einhver óvæntasti smellur bóksölunnar, eða svarti hestur eins og þau í bókabransanum kalla slík fyrirbæri; Gísli á Uppsölum eftir Ingibjörgu Reynisdóttur. Árin á undan hafði Arnaldur haft tögl og hagldir á sölulistum. Listinn byggir á sölutölum frá eftirfarandi útsölustöðum bóka; A4, Bóksölu stúdenta, Bónus, Hagkaup, Samkaup verslana, Heimkaup, Forlagsverslunarinnar og Kaupfélags Skagfirðinga – það er í raun frá öllum helstu útsölustöðum bóka á landinu nema frá Eymundsson.
Kápan og titillinn skipta máli
En ef marka má Bryndísi er velgengni Ólafs Jóhanns engin tilviljun.
„Það er svo mikil sögn í þessum titli hans Ólafs Jóhanns. Það er einfaldlega góð tilfinning að gefa Snertingu, jafnvel þótt hún sé innpökkuð.
Kápumynd bókarinnar, eftir Ragnar Helga Ólafsson, styður hlýju titilsins af öryggi, rauð kápa og ullarfrakki vefjast saman í þéttu faðmlagi á sterkri snúru. Í fjarlægð liggur önnur, ógreinileg snúra sem virðist vera að strokast út... Ég ætla ekki að taka það af Ólafi að sagan er góð en sem gamall bóksali þá veit ég að titillinn og kápan skipta líka miklu máli á okkar einstaka jólabóka-gjafamarkaði.
Maður vill ekki pakka inn bók sem ber titilinn „Skítsama“ fyrir einhvern sem manni þykir vænt um,“
segir Bryndís.
En svo má snúa þessu öllu á hvolf þegar kemur að glæpasagnatitlunum. Í öðru sæti listans situr Yrsa Sigurðardóttir með Bráðina.
„Glæpasagnatitlar þurfa auðvitað að vekja spennu og óhug, helst með einhverri undirliggjandi óvissu og það neglir Yrsa í ár, enda sagan skrifuð undir áhrifum óhugnanlegs máls sem engin niðurstaða hefur fengist í.“
Þagnarmúr Arnaldar Indriðasonar er enn söluhæsta bók ársins en verður að láta sér nægja þriðja sæti Bóksölulistans þessa vikuna. Bryndís segir það hugsanlegt að Ólafur Jóhann muni jafnvel ná að mjaka sér upp fyrir Arnald á „Uppsafnað-listanum“ þegar árið verður gert upp.
Sterk staða skáldsögunnar
Eftirtektarverð er sterk staða íslenskra skáldverka í jólabókasölunni í ár. Af 15 mest seldu bókunum þessa vikuna eru 10 þeirra íslensk skáldverk, 3 barnabækur og 2 fræðibækur. Bryndís bendir á að til samanburðar megi nefna að á sama tíma í fyrra voru skáldverkin 8 af 15 mest seldu bókunum en þá komu þó út 98 prentuð skáldverk samkvæmt Bókatíðindum en þau eru heldur færri núna, eða 75.
„Við höfum ástæðu til að gleðjast yfir góðum móttökum íslenskra bóka, útlit er fyrir um 20 prósenta söluaukningu frá fyrsta nóvember, miðað við í fyrra. Salan dreifist líka óvenju mikið á milli titla, svo virðist sem kaupendur hafi kynnt sér úrvalið vel, það eru ekki allir að kaupa sömu bókina.“
Bryndís segir þetta minnka líkurnar á því að fólk þurfi að skipta bókum eftir jól enda miklu betra, og jafnvel einhver „andleg snerting“ fólgin í því að eiga fágætari verk til að skiptast á við aðra bókaunnendur, að lestri loknum.
Topplistinn
14-20. desember 2020
- Snerting - Ólafur Jóhann Ólafsson
- Bráðin - Yrsa Sigurðardóttir
- Þagnarmúr - Arnaldur Indriðason
- Vetrarmein - Ragnar Jónasson
- Syngdu með Láru og Ljónsa - Birgitta Haukdal
- Spænska veikin - Gunnar Þór Bjarnason
- Gata mæðranna - Kristín Marja Baldursdóttir
- Útkall - Á ögurstundu - Óttar Sveinsson
- Orri óstöðvandi - Bókin hennar Möggu Messi - Bjarni Fritzson
- Dýralíf - Auður Ava Ólafsdóttir
- Þín eigin undirdjúp - Ævar Þór Benediktsson
- Fjarvera þín er myrkur - Jón Kalman Stefánsson
- Yfir bænum heima - Kristín Steinsdóttir
- Eldarnir : Ástin og aðrar hamfarir - Sigríður Hagalín Björnsdóttir
- Dauðabókin - Stefán Máni
- Skipulag - Sólrún Diego
- Öflugir strákar: Trúðu á sjálfan þig - Bjarni Fritzson
- Undir Yggdrasil - Vilborg Davíðsdóttir
- UNA prjónabók - Sjöfn Kristjánsdóttir og Salka Sól Eyfeld
- Sögur handa Kára - Ólafur Ragnar Grímsson
Íslensk skáldverk
- Snerting - Ólafur Jóhann Ólafsson
- Bráðin - Yrsa Sigurðardóttir
- Þagnarmúr - Arnaldur Indriðason
- Vetrarmein - Ragnar Jónasson
- Gata mæðranna - Kristín Marja Baldursdóttir
- Dýralíf - Auður Ava Ólafsdóttir
- Fjarvera þín er myrkur - Jón Kalman Stefánsson
- Yfir bænum heima - Kristín Steinsdóttir
- Eldarnir : Ástin og aðrar hamfarir - Sigríður Hagalín Björnsdóttir
- Dauðabókin - Stefán Máni
- Undir Yggdrasil - Vilborg Davíðsdóttir
- Blóðrauður sjór - Lilja Sigurðardóttir
- Blóðberg - Þóra Karítas Árnadóttir
- Aprílsólarkuldi - Elísabet Kristín Jökulsdóttir
- Konan sem elskaði fossinn : Sigríður í Brattholti - Eyrún Ingadóttir
- Sykur - Katrín Júlíusdóttir
- 07 Reykjavík - Auður Jónsdóttir og Birna Anna Björnsdóttir
- Hansdætur - Benný Sif Ísleifsdóttir
- Bróðir - Halldór Armand
- Truflunin - Steinar Bragi
- Næturskuggar - Eva Björg Ægisdóttir
- Ein - Ásdís Halla Bragadóttir
- Dauði skógar - Jónas Reynir Gunnarsson
- Klettaborgin - Sólveig Pálsdóttir
- Herbergi í öðrum heimi - María Elísabet Bragadóttir
- Váboðar - Ófeigur Sigurðsson
- Aldrei nema kona - Sveinbjörg Sveinbjörnsdóttir
- Aðventa - Gunnar Gunnarsson
- Hrímland - Skammdegisskuggar - Alexander Dan Vilhjálmsson
- Kórdrengur í Kaupmannahöfn - Jón Óskar Sólnes
Íslenskar barna- og ungmennabækur
- Syngdu með Láru og Ljónsa - Birgitta Haukdal
- Orri óstöðvandi - Bókin hennar Möggu Messi - Bjarni Fritzson
- Þín eigin undirdjúp - Ævar Þór Benediktsson
- Öflugir strákar: Trúðu á sjálfan þig - Bjarni Fritzson
- Fávitar - Sólborg Guðbrandsdóttir
- Krakkalögin okkar - Jón Ólafsson, Úlfur Logason ofl.
- Lára lærir að lesa - Birgitta Haukdal
- Barnaræninginn - Gunnar Helgason
- Leikskólalögin okkar - Jón Ólafsson, Úlfur Logason ofl.
- Lára fer í leikhús - Birgitta Haukdal
- Hestar - Hjörleifur Hjartarson og Rán Flygenring
- Vampírur, vesen og annað tilfallandi - Rut Guðnadóttir
- Hetja - Björk Jakobsdóttir
- Brandarar og gátur 5 - Huginn Þór Grétarsson
- Fótboltaspurningar 2020 - Bjarni Þór Guðjónsson
- 13 þrautir jólasveinanna - Huginn Þór Grétarsson
- Skógurinn - Hildur Knútsdóttir
- Spurningabókin 2020 - Guðjón Ingi Eiríksson
- Gamlárskvöld með Láru - Birgitta Haukdal
- Iðunn og afi pönk - Gerður Kristný
Þýddar barna- og ungmennabækur
- Jólaföndur : leikja-, lita og límmiðabók - Bókafélagið
- Jólasyrpa - Walt Disney
- Verstu kennarar í heimi - David Walliams
- Dagbók Kidda klaufa 3 : Snjóstríðið - Jeff Kinney
- Fótbolti - Meistarataktar - Rob Colson
- Ísskrímslið - David Walliams
- Dísa ljósálfur - G.T. Rotman
- Sögur úr Múmíndal - Tove Jansson
- Jólaföndur : engin skæri, bara gaman - Unga ástin mín
- Ding! Dong! Komum að leika! - Astley Baker
- Dagbók Kidda klaufa : Flóttinn í sólina - Jeff Kinney
- Risaeðlugengið : Kappsundið - Lars Mæhle
- Mannslíkaminn - Ryan Hobson
- Milljarðastrákurinn - David Walliams
- Hundmann - Taumaus - Dav Pilkey
- Gurra Grís :leitið og finnið ævintýri - Peppa Pig
- Söguperlur fyrir svefninn - Setberg
- Lúkas ljónheppni - Kate Thomson
- Jörðin - Bomboland
- Sögutaskan mín - Isabelle Chauvet
Fræði og almennt efni
- Spænska veikin - Gunnar Þór Bjarnason
- Útkall - Á ögurstundu - Óttar Sveinsson
- Skipulag - Sólrún Diego
- UNA prjónabók - Sjöfn Kristjánsdóttir og Salka Sól Eyfeld
- Kökur - Linda Ben
- Skipulagsdagbók - Sólrún Diego
- Þegar heimurinn lokaðist - Davíð Logi Sigurðsson
- Íslenskir vettlingar - Guðrún Hannele Henttinen
- Bubbi Morthens - ferillinn í fjörtíu ár - Árni Matthíasson
- Fimmaurabrandarar - Fimmaurafélagið
- Bakað með Elenoru Rós - Elenora Rós Georgsdóttir
- Martröð í Mykinesi - Magnús Þór Hafsteinsson
- Kindasögur II - Aðalsteinn Eyþórsson og Guðjón Ragnar Jónasson
- Hrein Karfa - Kjartan Atli Kjartansson
- Liverpool, flottasti klúbbur í heimi - Illugi Jökulsson
- Prjónað á mig og mína - Lene Holme Samsøe
- Tíu skref í átt að innihaldsríku lífi - Bergsveinn Ólafsson
- Sumac - Þráinn Freyr Vigfússon
- Brimaldan stríða - Steinar J. Lúðvíksson
- Saumaklúbburinn - Berglind Hreiðarsdóttir
- Þess vegna sofum við : um mikilvægi svefns og drauma - Matthew Walker
- Fuglinn sem gat ekki flogið - Gísli Pálsson
- Pottur, panna og Nanna - Nanna Rögnvaldardóttir
- Samskipti - Pálmar Ragnarsson
- Björgunarsveitin mín - Arngrímur Hermannsson
- Hulduheimar - Símon Jón Jóhannsson
- Prjónað af ást - Lene Holme Samsøe
- Uppreisn Jóns Arasonar - Ásgeir Jónsson
- Mótorhausasögur - Ragnar S. Ragnarsson
- Hjarta Íslands - Gunnsteinn Ólafsson og Páll Stefánsson
Þýdd skáldverk
- Kóngsríkið - Jo Nesbø
- Jól í Sumareldhúsi Flóru - Jenny Colgan
- Brúðkaup í desember - Sarah Morgan
- Silfurvængir - Camilla Läckberg
- Lygalíf fullorðinna - Elena Ferrante
- Þeir sem græta góðu stúlkurnar - Mary Higgins Clark
- Papa - Jesper Stein
- Menntuð - Tara Westover
- Leyfðu mér að segja þér sögu - Jorge Bucay
- Mitt (ó)fullkomna líf - Sophie Kinsella
Ljóð og limrur
- Gervilimrur Gísla Rúnars - Gísli Rúnar Björgvinsson
- Látra-Björg - Helgi Jónsson
- 40 vísnagátur - Páll Jónasson
- Ljóðasafn Rumi - Jalaluddin Rumi
- Draumstol - Gyrðir Elíasson
- Innræti - Arndís Þórarinsdóttir
- Hetjusögur - Kristín Svava Tómasdóttir
- Fjölskyldulíf á jörðinni - Dagur Hjartarson
- Taugaboð á háspennulínu - Arndís Lóa Magnúsdóttir
- 1900 og eitthvað - Ragnheiður Lárusdóttir
Ævisögur
- Sögur handa Kára - Ólafur Ragnar Grímsson
- Herra Hnetusmjör - hingað til - Sóli Hólm
- Berskjaldaður : Barátta Einars Þórs fyrir lífi og ást - Gunnhildur Arna Gunnarsdóttir
- Ellert - Ellert B. Schram og Björn Jón Bragason
- Vigdís Jack : Sveitastelpan sem varð prestsfrú - Gyða Skúladóttir
- Svo týnist hjartaslóð : Þroskasaga Betu Reynis - Valgeir Skagfjörð og Elísabet Reynisdóttir
- Dóttir - Katrín Tanja Davíðsdóttir
- Brosað gegnum tárin - Bryndís Schram
- Glæpur við fæðingu - Trevor Noah
- Siddi gull-ævisaga Sigmars Ó. Maríusonar gullsmiðs - Guðjón Ingi Eiríksson
Uppsafnað frá áramótum
- Þagnarmúr - Arnaldur Indriðason
- Snerting - Ólafur Jóhann Ólafsson
- Bráðin - Yrsa Sigurðardóttir
- Vetrarmein - Ragnar Jónasson
- Orri óstöðvandi - Bókin hennar Möggu Messi - Bjarni Fritzson
- Útkall á ögurstundu - Óttar Sveinsson
- Gata mæðranna - Kristín Marja Baldursdóttir
- Spænska veikin - Gunnar Þór Bjarnason
- Þín eigin undirdjúp - Ævar Þór Benediktsson
- Fávitar - Sólborg Guðbrandsdóttir
