Markmiðið var að skjóta Starship SN8 í rúmlega tólf kílómetra hæð og lenda því aftur.
Litlar sem engar upplýsingar hafa borist frá fyrirtækinu um hvað olli því að hætt var við tilraunaskotið né hvort það standi til að reyna aftur og þá hvenær, samkvæmt frétt AP fréttaveitunnar.
Forsvarsmenn fyrirtækisins höfðu sagt að mögulega gæti tilraunaskotinu verið frestað til dagsins í dag eða jafnvel á morgun en ekki er búið að gefa út hvort til standi að reyna aftur í þessum skotglugga.
Sjá einnig: Ætla að skjóta stærðarinnar geimskipi í tólf kílómetra hæð og lenda því aftur
SN8 er um 50 metra hátt og er stærsta frumgerð Starship sem starfsmenn SpaceX hafa byggt hingað til.
Í byrjun sumars tilkynnti Musk að þróun Starship væri í forgangi hjá fyrirtækinu. Það var skömmu eftir að fyrirtækið náði þeim áfanga að byrja að skjóta mönnum út í geim frá Bandaríkjunum í fyrsta sinn frá árinu 2011.
Starship er ætlað að að flytja allt að hundrað menn og birgðir til tunglsins og jafnvel til mars.
