Þrettán smitaðir hjá fyrrum liði Hannesar og leiknum á fimmtu­dag frestað

Landsliðsmarkvörður Íslands, Hannes Þór Halldórsson, lék um skamma stund með Qarabağ frá 2018 til 2019. Alls eru þrettán af 23 leikmönnum félagsins sem skráðir eru í Evrópudeildarhóp þess smitaðir af Covid-19. 

Því hefur knattspyrnusamband Evrópu, UEFA, frestað leik liðanna sem fram á að fara á fimmtudaginn.

Liðin leika í I-riðli Evrópudeildarinnar og má með sanni segja að leikurinn sem fram á að fara á Spáni skipti engu máli. Um er að ræða síðasta leik riðlakeppninnar og hefur Villarel nú þegar tryggt sér toppsætið og þar með sæti í 32-liða úrslitum. Qarabağ er á sama tíma fast á botni riðilsins sama hvernig leikurinn færi.

UEFA hefur ekki enn verið gefið út hvort leiknum verði frestað eða einfaldlega aflýst.

Evrópudeild UEFA er á Stöð 2 Sport en upplýsingar um útsendingar má finna hér. Evrópudeildin er hluti af Stöð 2 Sport erlent sem kostar 3.990 krónur á mánuði en einnig má kaupa útsendingar sem stakan viðburð á 990 krónur.