Gæti snúið aftur í landsliðið á fæðingarári tvíburanna: „Ekkert heyrt í Jóni Þór“ Sindri Sverrisson skrifar 3. nóvember 2020 09:00 Guðbjörg Gunnarsdóttir hefur spilað 64 A-landsleiki en hún var aðalmarkvörður Íslands á EM 2013 og 2017. vísir/Daníel „Maður var búinn að gleyma því hvað fótbolti getur verið ógeðslegur,“ segir Guðbjörg Gunnarsdóttir og kímir, eftir að hafa spilað sinn fyrsta leik síðan í júní á síðasta ári,. Guðbjörg, sem hefur varið mark Íslands á þremur stórmótum, fæddi tvíbura þann 31. janúar síðastliðinn. Hún varð 35 ára í vor en var ákveðin í að snúa aftur á fótboltavöllinn og það markmið náðist á sunnudaginn, með Djurgården í afar svekkjandi 3-2 tapi gegn Eskilstuna í sænsku úrvalsdeildinni. Guðbjörg sló danska landsliðsmarkvörðinn Kathrine Larsen út úr byrjunarliðinu, tíu dögum eftir að Larsen hafði varið mark Danmerkur í 4-0 sigri gegn Ísrael í undankeppni EM. Hún kemur væntanlega til greina þegar Jón Þór Hauksson velur síðar í þessum mánuði landsliðshóp sinn fyrir síðustu tvo leikina í undankeppni EM, sem ráða möguleikum Íslands á að komast á lokamótið í Englandi sumarið 2022. View this post on Instagram Starting early #twins #football @axlbengtsson A post shared by Guðbjo rg Gunnarsdo ttir (@guggag) on Aug 14, 2020 at 12:30pm PDT „Það kom mér á óvart hvað ég er góð í líkamanum. Það sem er erfiðast er allt þetta sem þarf að takast á við utan vallar. Að fá svona lítinn svefn, vera alltaf að redda pössun og svona. En líkamlega líður mér þvílíkt vel og er eins og lítill krakki að mæta á æfingar því mér finnst þetta svo gaman. Miðað við það langar mig auðvitað rosalega að spila á EM 2022 en það þarf allt að smella saman með fjölskyldunni til að það gangi upp,“ segir Guðbjörg. „Finnst ég í geggjuðu standi“ Endurkoman á sunnudag virtist ætla að verða draumi líkust en það breyttist þegar Eskilstuna skoraði tvö mörk í blálokin, þar af sigurmark sem Guðbjörg leit illa út í. Það skyggði því á langþráða endurkomu. „Ég var eiginlega búin að gleyma þessum hluta af íþróttinni. Ég var búin að æfa eins og geðsjúklingur og hlakka svo til að spila, finnst ég í geggjuðu standi, og það hvarflaði ekki að mér að einhverjar svona tilfinningar yrðu í gangi eftir þennan leik. Maður vinnur og tapar fótboltaleikjum en þetta var ógeðslegt tap, alveg í lokin,“ segir Guðbjörg. Guðbjörg Gunnarsdóttir var varafyrirliði landsliðsins áður en hún dró sig í hlé vegna barneigna.vísir/vilhelm Hún er þó greinilega að nálgast sitt fyrra form fyrst þjálfari Djurgården valdi hana í leikinn mikilvæga við Eskilstuna, sem var með sama stigafjölda og Djurgården fyrir leik. Djurgården er nú einu stigi frá fallsæti, fyrir ofan Umeå sem er einmitt næsti andstæðingur liðsins. Vann sig inn í liðið og framundan er úrslitaleikur „Ég er mjög stolt og ánægð að hafa fengið tækifæri, í svona mikilvægum leik. Mér finnst ég hafa sýnt það síðustu fjórar vikur á æfingum að ég eigi skilið að spila en svo er bara mikil samkeppni hérna. Við erum með markmann úr danska landsliðinu og aðra sænska sem einnig er góð, svo ég vissi að það yrði „brekka“ að fá sæti í liðinu, hjá þjálfara sem ég hafði ekki spilað fyrir áður,“ segir Guðbjörg, og bætir við: „Ég var mjög glöð að fá þetta tækifæri, þó mér hafi fundist ég geta fengið það fyrr, en ég er því auðvitað enn svekktari að þetta skyldi enda svona. Ég var alveg „stabíl“ í leiknum en pínu ósátt við sjálfa mig í síðasta markinu. Vonandi fæ ég að spila áfram í síðustu tveimur leikjum tímabilsins. Næsti leikur er bara upp á það hvort að Djurgården verði í Allsvenskan á næsta ári eða ekki. Þetta er mjög skemmtileg deild, fyrir umferðina í gær gátu enn sex lið fallið, svo þetta er rosalega jafnt.“ Guðbjörg kveðst kunna vel við sig í Stokkhólmi en mun vera með tilboð um að fara annað.vísir/Daníel Aðspurð um möguleikann á því að hún spili með Íslandi gegn Slóvakíu og Ungverjalandi um næstu mánaðamót, í leikjum sem gætu skilað Íslandi á EM fjórða skiptið í röð, segir Guðbjörg: „Ég hef ekki alveg hugsað það, þar sem ég hef bara ekkert heyrt í Jóni Þór [landsliðsþjálfara]. En ef að mér tekst að halda dönskum landsliðsmarkverði á bekknum og standa mig, þá hlýt ég að eiga erindi í íslenska landsliðið. Ég hef alltaf trú á því að standi maður sig vel á háu getustigi þá komist maður í landsliðið,“ segir Guðbjörg. Fengið tilboð frá Noregi, Svíþjóð og Kýpur Næsta stórmót, EM í Englandi, var þó ekki aðalmarkmið hennar með því að komast aftur út á fótboltavöllinn: „Ég ákvað bara að æfa og komast í gott stand, og sjá hvort ég gæti orðið jafngóð og ég var. Ég hef engan áhuga á að spila ef mér finnst ég ekki geta orðið jafngóð, en núna finnst mér ég bara vera eins og ég var áður en ég eignaðist tvíburana, fyrir utan að vanta leikform.“ Guðbjörg og kærasta hennar, Mia Jalkerud, hafa eftir því sem Vísir kemst næst fengið tilboð frá félögum í Svíþjóð, Noregi og Kýpur fyrir næstu leiktíð, en samningur Guðbjargar við Djurgården er að renna út. Guðbjörg kveðst einbeita sér alfarið að því núna að halda Djurgården í efstu deild, enda sé liðið allt of vel mannað til að falla, og segir að þær Mia muni skoða sín mál eftir tímabilið. Það sé alls ekki útilokað að hún verði áfram hjá Djurgården. EM 2021 í Englandi Sænski boltinn Tengdar fréttir Endurkoma hjá Guðbjörgu, Kjartan sá rautt og stoðsending frá Arnóri í Rússlandi Guðbjörg Gunnarsdóttir var mætt aftur í markið hjá Djurgården í dag í sænska boltanum en Guðbjörg eignaðist tvíbura fyrr á árinu. 1. nóvember 2020 15:23 Guðbjörg stefndi á Svíaleikinn áður en börnin reyndust tvö Það styttist í að Guðbjörg Gunnarsdóttir landsliðsmarkvörður í fótbolta snúi aftur á völlinn með liði sínu Djurgården eftir að hafa eignast tvíbura fyrir átta mánuðum. 29. september 2020 08:31 Guðbjörg mætt í markið sjö mánuðum eftir fæðingu tvíburanna Guðbjörg Gunnarsdóttir, landsliðsmarkvörður í fótbolta, sneri aftur út á fótboltavöllinn í gær, sjö mánuðum eftir að hafa fætt tvíbura. 2. september 2020 15:30 Segir útileikina sérstaklega erfiða fyrir nýbakaða tveggja barna móður Landsliðsmarkvörðurinn Guðbjörg Gunnarsdóttir ræddi framtíð sína hjá Djurgården en hún eignaðist tvíbura fyrir fimm mánuðum síðan. 25. júlí 2020 09:04 Landsliðsmarkvörðurinn ætlaði að tækla óléttuna eins og meiðsli Guðbjörg Gunnarsdóttir - landsliðsmarkvörður í fótbolta - mætti í settið hjá Pepsi Max Mörkunum og fór yfir óléttuna, stöðu sína í landsliðinu og hvernig það er að koma til baka eftir barnsburð. 23. júlí 2020 23:00 Mest lesið Jón Dagur gagnrýnir sérfræðinga RÚV: „Regla að þú gast ekkert eða veist ekkert?“ Fótbolti Þóttist vera með krabbamein með iPhone snúru upp í nefinu Sport Glódís barðist við tárin: „Eftirsjá og það er erfitt“ Fótbolti Skýrsla Sindra: Handklæðið dugar ekki við þessum tárum Fótbolti Svisslendingarnir stálu handklæði Sveindísar Fótbolti Einkunnir Íslands: Fátt að frétta Fótbolti Twitter yfir leiknum gegn Sviss: Áberandi óþol í garð dómarans Fótbolti „Hef ekki hugsað það, tuttugu mínútum eftir leik“ Fótbolti Ingibjörg: Þetta er ömurlegt Fótbolti Dagskráin í dag: Besta sætið til að horfa á Bestu deildina Sport Fleiri fréttir Enska úrvalsdeildarstjarnan tryggði Mexíkó Gullbikarinn Skýrsla Sindra: Handklæðið dugar ekki við þessum tárum Glódís barðist við tárin: „Eftirsjá og það er erfitt“ Jón Dagur gagnrýnir sérfræðinga RÚV: „Regla að þú gast ekkert eða veist ekkert?“ „Margt sem við hefðum getað gert betur“ Ingibjörg: Þetta er ömurlegt „Hef ekki hugsað það, tuttugu mínútum eftir leik“ Twitter yfir leiknum gegn Sviss: Áberandi óþol í garð dómarans Einkunnir Íslands: Fátt að frétta Svisslendingarnir stálu handklæði Sveindísar Aldrei fleiri mætt í stuðningsmannagöngu fyrir leik „Ekki komnir á þann stað að geta tekið leiki og klárað þá“ Uppgjörið: KR - KA 1-2 | KA úr fallsæti Byrjunarliðið gegn Sviss: Fyrirliðinn með eftir veikindin Uppgjör: Sviss - Ísland 2-0 | Stelpurnar úr leik eftir svekkjandi tap Ísland úr leik með tapi í kvöld Stórgóð stemning hjá stuðningsmönnum Íslands í Sviss „Mamma kann að tækla þó hún sé á TikTok“ Léku eftir innköst Sveindísar á æfingum Ísland mætir óslípuðum demanti í kvöld EM í dag: Allt eða ekkert Ekki í „ljótustu“ treyjunum í kvöld Úr Boganum í stórleik á EM: „Það verða mikil læti“ Gaf lítið upp en er bjartsýn á sigur gegn Íslandi Uppselt á leik Íslands á EM í kvöld Sveindís hrósaði stjörnu Sviss: „Trylltist allt þegar hún kom inn á“ Grindvíkingar lána Sölva Snæ til Austurríkis Segir Glódísi algjöra hetju: „Sá bara hversu illa henni leið“ Kláruðu óuppgert Evrópueinvígi 65 árum síðar Real Madrid afgreiddi Dortmund að mestu í fyrri hálfleik Sjá meira
„Maður var búinn að gleyma því hvað fótbolti getur verið ógeðslegur,“ segir Guðbjörg Gunnarsdóttir og kímir, eftir að hafa spilað sinn fyrsta leik síðan í júní á síðasta ári,. Guðbjörg, sem hefur varið mark Íslands á þremur stórmótum, fæddi tvíbura þann 31. janúar síðastliðinn. Hún varð 35 ára í vor en var ákveðin í að snúa aftur á fótboltavöllinn og það markmið náðist á sunnudaginn, með Djurgården í afar svekkjandi 3-2 tapi gegn Eskilstuna í sænsku úrvalsdeildinni. Guðbjörg sló danska landsliðsmarkvörðinn Kathrine Larsen út úr byrjunarliðinu, tíu dögum eftir að Larsen hafði varið mark Danmerkur í 4-0 sigri gegn Ísrael í undankeppni EM. Hún kemur væntanlega til greina þegar Jón Þór Hauksson velur síðar í þessum mánuði landsliðshóp sinn fyrir síðustu tvo leikina í undankeppni EM, sem ráða möguleikum Íslands á að komast á lokamótið í Englandi sumarið 2022. View this post on Instagram Starting early #twins #football @axlbengtsson A post shared by Guðbjo rg Gunnarsdo ttir (@guggag) on Aug 14, 2020 at 12:30pm PDT „Það kom mér á óvart hvað ég er góð í líkamanum. Það sem er erfiðast er allt þetta sem þarf að takast á við utan vallar. Að fá svona lítinn svefn, vera alltaf að redda pössun og svona. En líkamlega líður mér þvílíkt vel og er eins og lítill krakki að mæta á æfingar því mér finnst þetta svo gaman. Miðað við það langar mig auðvitað rosalega að spila á EM 2022 en það þarf allt að smella saman með fjölskyldunni til að það gangi upp,“ segir Guðbjörg. „Finnst ég í geggjuðu standi“ Endurkoman á sunnudag virtist ætla að verða draumi líkust en það breyttist þegar Eskilstuna skoraði tvö mörk í blálokin, þar af sigurmark sem Guðbjörg leit illa út í. Það skyggði því á langþráða endurkomu. „Ég var eiginlega búin að gleyma þessum hluta af íþróttinni. Ég var búin að æfa eins og geðsjúklingur og hlakka svo til að spila, finnst ég í geggjuðu standi, og það hvarflaði ekki að mér að einhverjar svona tilfinningar yrðu í gangi eftir þennan leik. Maður vinnur og tapar fótboltaleikjum en þetta var ógeðslegt tap, alveg í lokin,“ segir Guðbjörg. Guðbjörg Gunnarsdóttir var varafyrirliði landsliðsins áður en hún dró sig í hlé vegna barneigna.vísir/vilhelm Hún er þó greinilega að nálgast sitt fyrra form fyrst þjálfari Djurgården valdi hana í leikinn mikilvæga við Eskilstuna, sem var með sama stigafjölda og Djurgården fyrir leik. Djurgården er nú einu stigi frá fallsæti, fyrir ofan Umeå sem er einmitt næsti andstæðingur liðsins. Vann sig inn í liðið og framundan er úrslitaleikur „Ég er mjög stolt og ánægð að hafa fengið tækifæri, í svona mikilvægum leik. Mér finnst ég hafa sýnt það síðustu fjórar vikur á æfingum að ég eigi skilið að spila en svo er bara mikil samkeppni hérna. Við erum með markmann úr danska landsliðinu og aðra sænska sem einnig er góð, svo ég vissi að það yrði „brekka“ að fá sæti í liðinu, hjá þjálfara sem ég hafði ekki spilað fyrir áður,“ segir Guðbjörg, og bætir við: „Ég var mjög glöð að fá þetta tækifæri, þó mér hafi fundist ég geta fengið það fyrr, en ég er því auðvitað enn svekktari að þetta skyldi enda svona. Ég var alveg „stabíl“ í leiknum en pínu ósátt við sjálfa mig í síðasta markinu. Vonandi fæ ég að spila áfram í síðustu tveimur leikjum tímabilsins. Næsti leikur er bara upp á það hvort að Djurgården verði í Allsvenskan á næsta ári eða ekki. Þetta er mjög skemmtileg deild, fyrir umferðina í gær gátu enn sex lið fallið, svo þetta er rosalega jafnt.“ Guðbjörg kveðst kunna vel við sig í Stokkhólmi en mun vera með tilboð um að fara annað.vísir/Daníel Aðspurð um möguleikann á því að hún spili með Íslandi gegn Slóvakíu og Ungverjalandi um næstu mánaðamót, í leikjum sem gætu skilað Íslandi á EM fjórða skiptið í röð, segir Guðbjörg: „Ég hef ekki alveg hugsað það, þar sem ég hef bara ekkert heyrt í Jóni Þór [landsliðsþjálfara]. En ef að mér tekst að halda dönskum landsliðsmarkverði á bekknum og standa mig, þá hlýt ég að eiga erindi í íslenska landsliðið. Ég hef alltaf trú á því að standi maður sig vel á háu getustigi þá komist maður í landsliðið,“ segir Guðbjörg. Fengið tilboð frá Noregi, Svíþjóð og Kýpur Næsta stórmót, EM í Englandi, var þó ekki aðalmarkmið hennar með því að komast aftur út á fótboltavöllinn: „Ég ákvað bara að æfa og komast í gott stand, og sjá hvort ég gæti orðið jafngóð og ég var. Ég hef engan áhuga á að spila ef mér finnst ég ekki geta orðið jafngóð, en núna finnst mér ég bara vera eins og ég var áður en ég eignaðist tvíburana, fyrir utan að vanta leikform.“ Guðbjörg og kærasta hennar, Mia Jalkerud, hafa eftir því sem Vísir kemst næst fengið tilboð frá félögum í Svíþjóð, Noregi og Kýpur fyrir næstu leiktíð, en samningur Guðbjargar við Djurgården er að renna út. Guðbjörg kveðst einbeita sér alfarið að því núna að halda Djurgården í efstu deild, enda sé liðið allt of vel mannað til að falla, og segir að þær Mia muni skoða sín mál eftir tímabilið. Það sé alls ekki útilokað að hún verði áfram hjá Djurgården.
EM 2021 í Englandi Sænski boltinn Tengdar fréttir Endurkoma hjá Guðbjörgu, Kjartan sá rautt og stoðsending frá Arnóri í Rússlandi Guðbjörg Gunnarsdóttir var mætt aftur í markið hjá Djurgården í dag í sænska boltanum en Guðbjörg eignaðist tvíbura fyrr á árinu. 1. nóvember 2020 15:23 Guðbjörg stefndi á Svíaleikinn áður en börnin reyndust tvö Það styttist í að Guðbjörg Gunnarsdóttir landsliðsmarkvörður í fótbolta snúi aftur á völlinn með liði sínu Djurgården eftir að hafa eignast tvíbura fyrir átta mánuðum. 29. september 2020 08:31 Guðbjörg mætt í markið sjö mánuðum eftir fæðingu tvíburanna Guðbjörg Gunnarsdóttir, landsliðsmarkvörður í fótbolta, sneri aftur út á fótboltavöllinn í gær, sjö mánuðum eftir að hafa fætt tvíbura. 2. september 2020 15:30 Segir útileikina sérstaklega erfiða fyrir nýbakaða tveggja barna móður Landsliðsmarkvörðurinn Guðbjörg Gunnarsdóttir ræddi framtíð sína hjá Djurgården en hún eignaðist tvíbura fyrir fimm mánuðum síðan. 25. júlí 2020 09:04 Landsliðsmarkvörðurinn ætlaði að tækla óléttuna eins og meiðsli Guðbjörg Gunnarsdóttir - landsliðsmarkvörður í fótbolta - mætti í settið hjá Pepsi Max Mörkunum og fór yfir óléttuna, stöðu sína í landsliðinu og hvernig það er að koma til baka eftir barnsburð. 23. júlí 2020 23:00 Mest lesið Jón Dagur gagnrýnir sérfræðinga RÚV: „Regla að þú gast ekkert eða veist ekkert?“ Fótbolti Þóttist vera með krabbamein með iPhone snúru upp í nefinu Sport Glódís barðist við tárin: „Eftirsjá og það er erfitt“ Fótbolti Skýrsla Sindra: Handklæðið dugar ekki við þessum tárum Fótbolti Svisslendingarnir stálu handklæði Sveindísar Fótbolti Einkunnir Íslands: Fátt að frétta Fótbolti Twitter yfir leiknum gegn Sviss: Áberandi óþol í garð dómarans Fótbolti „Hef ekki hugsað það, tuttugu mínútum eftir leik“ Fótbolti Ingibjörg: Þetta er ömurlegt Fótbolti Dagskráin í dag: Besta sætið til að horfa á Bestu deildina Sport Fleiri fréttir Enska úrvalsdeildarstjarnan tryggði Mexíkó Gullbikarinn Skýrsla Sindra: Handklæðið dugar ekki við þessum tárum Glódís barðist við tárin: „Eftirsjá og það er erfitt“ Jón Dagur gagnrýnir sérfræðinga RÚV: „Regla að þú gast ekkert eða veist ekkert?“ „Margt sem við hefðum getað gert betur“ Ingibjörg: Þetta er ömurlegt „Hef ekki hugsað það, tuttugu mínútum eftir leik“ Twitter yfir leiknum gegn Sviss: Áberandi óþol í garð dómarans Einkunnir Íslands: Fátt að frétta Svisslendingarnir stálu handklæði Sveindísar Aldrei fleiri mætt í stuðningsmannagöngu fyrir leik „Ekki komnir á þann stað að geta tekið leiki og klárað þá“ Uppgjörið: KR - KA 1-2 | KA úr fallsæti Byrjunarliðið gegn Sviss: Fyrirliðinn með eftir veikindin Uppgjör: Sviss - Ísland 2-0 | Stelpurnar úr leik eftir svekkjandi tap Ísland úr leik með tapi í kvöld Stórgóð stemning hjá stuðningsmönnum Íslands í Sviss „Mamma kann að tækla þó hún sé á TikTok“ Léku eftir innköst Sveindísar á æfingum Ísland mætir óslípuðum demanti í kvöld EM í dag: Allt eða ekkert Ekki í „ljótustu“ treyjunum í kvöld Úr Boganum í stórleik á EM: „Það verða mikil læti“ Gaf lítið upp en er bjartsýn á sigur gegn Íslandi Uppselt á leik Íslands á EM í kvöld Sveindís hrósaði stjörnu Sviss: „Trylltist allt þegar hún kom inn á“ Grindvíkingar lána Sölva Snæ til Austurríkis Segir Glódísi algjöra hetju: „Sá bara hversu illa henni leið“ Kláruðu óuppgert Evrópueinvígi 65 árum síðar Real Madrid afgreiddi Dortmund að mestu í fyrri hálfleik Sjá meira
Endurkoma hjá Guðbjörgu, Kjartan sá rautt og stoðsending frá Arnóri í Rússlandi Guðbjörg Gunnarsdóttir var mætt aftur í markið hjá Djurgården í dag í sænska boltanum en Guðbjörg eignaðist tvíbura fyrr á árinu. 1. nóvember 2020 15:23
Guðbjörg stefndi á Svíaleikinn áður en börnin reyndust tvö Það styttist í að Guðbjörg Gunnarsdóttir landsliðsmarkvörður í fótbolta snúi aftur á völlinn með liði sínu Djurgården eftir að hafa eignast tvíbura fyrir átta mánuðum. 29. september 2020 08:31
Guðbjörg mætt í markið sjö mánuðum eftir fæðingu tvíburanna Guðbjörg Gunnarsdóttir, landsliðsmarkvörður í fótbolta, sneri aftur út á fótboltavöllinn í gær, sjö mánuðum eftir að hafa fætt tvíbura. 2. september 2020 15:30
Segir útileikina sérstaklega erfiða fyrir nýbakaða tveggja barna móður Landsliðsmarkvörðurinn Guðbjörg Gunnarsdóttir ræddi framtíð sína hjá Djurgården en hún eignaðist tvíbura fyrir fimm mánuðum síðan. 25. júlí 2020 09:04
Landsliðsmarkvörðurinn ætlaði að tækla óléttuna eins og meiðsli Guðbjörg Gunnarsdóttir - landsliðsmarkvörður í fótbolta - mætti í settið hjá Pepsi Max Mörkunum og fór yfir óléttuna, stöðu sína í landsliðinu og hvernig það er að koma til baka eftir barnsburð. 23. júlí 2020 23:00