Dag­skráin í dag: Ellefu beinar út­sendingar

Ellefu beinar útsendingar eru á sportrásum Stöðvar 2 í dag. Þar má finna útsendingar frá fótbolta, NFL, golfi og spænska körfuboltanum.

Fyrsta útsending dagsins fer fram á Stöð 2 Golf er Italien Open hefst klukkan 10.00. Drive On Championship - Reynolds á LPGA hefst svo klukkan 16.00 og The Zozo Championship á PGA-túrnum klukkan 20.00.

Það eru fimm leikir í beinni í ítalska boltanum í dag. Cagliari og Crotone mætast klukkan 10.30 og klukkan 13.00 verður flautað til leiks hjá Benevento og Napoli annars vegar og Parmia og Spezia hins vegar.

Fiorentina og Udinese mætast klukkan 16.00 og ítölsku meistararnir í Juventus mæta Hellas Verona svo klukkan 18.30.

Haukur Helgi Pálsson og félagar í Morabanc Andorra mæta Barcelona í spænska körfuboltanum í kvöld en það er einnig tvíhöfði í NFL; Houston Texans og Green Bay Packers mætast klukkan 15.55 og kvöldleikurinn er svo á milli New England Patriots og San Francisco 49ers.

Allar beinar útsendingar dagsins má sjá hér.