33 greindust innan­lands

Alls greindust 33 með kórónuveiruna innanlands í gær. Tuttugu þeirra sem greindust voru í sóttkví við greiningu, eða 61 prósent. Þrettán voru ekki í sóttkví.

Fram kemur í uppfærðum tölum á Covid.is að alls séu nú 21 á sjúkrahúsi vegna Covid-19, þar af þrír á gjörgæslu. Fram kom á upplýsingafundi klukkan 11 að af þeim þremur sem eru á gjörgæslu er tveir á öndunarvél. Í gær voru 23 á sjúkrahúsi og þrír á gjörgæslu.

Sautján smit greindust á landamærum í gær – fjögur virk smit og svo er niðurstöðu mótefnamælingar beðið í tilfellum þrettán.

1.159 manns eru nú í einangrun, samanborið við 1.206 í gær. Þá eru 2.542 í sóttkví í dag, samanborið við 2.531 í gær.

Af þeim 33 sem greindust í gær, greindust 28 eftir að tekin voru svokölluð einkennasýni hjá Landspítalanum eða Íslenskri erfðagreiningu, en fimm greindust eftir svokallaða sóttkvíar- eða handahófsskimun.

Nýgengi innanlandssmita, þ.e. fjöldi smitaðra á hverja 100 þúsund íbúa undanfarnar tvær vikur, er nú 248,7 en var 266,2 í gær. Þá er nýgengi landamærasmita nú 22,9, en var 21,8 í gær.

Nú hafa 4.268 manns greinst smitaðir af kórónuveiru frá upphafi faraldursins. Ellefu þeirra sem hafa veikst af Covid-19 eru látnir.

Alls voru tekin 1.009 einkennasýni hjá sýkla- og veirufræðideild Landspítalans og Íslenskri erfðagreiningu í gær og 640 sýni á landamærunum eða í seinni landamæraskimun. 538 sýni voru tekin við sóttkvíar- og handahófsskimun og þá voru 31 sýni tekið í annarri skimun hjá ÍE.

Fréttin hefur verið uppfærð.