Fullnæging ekki alltaf nauðsynleg í kynlífi

Í síðustu könnun Makamála var spurt um mikilvægi fullnægingar í kynlífi. Könnuninni var beint til karla og kvenna og fólk beðið um að svara þeirri könnun sem átti við. 

Athygli vakti að tæplega 8000 manns svöruðu könnuninni og var lítill munur á svarhlutfalli milli karla og kvenna. Einnig var lítill munur á svörum karla og kvenna þegar kom að mikilvægi fullnægingar í kynlífi. 

Samkvæmt niðurstöðunum er svipað hlufall þeirra sem segja það mikilvægt að fá fullnægingu í kynlífi og þeirra sem segja að að það þurfi ekki alltaf. 

Nákvæmari niðurstöður* er hægt að sjá hér fyrir neðan:

Konur:

Mikilvægt að ég fái fullnæginu - 44%

Þarf ekki alltaf að fá fullnægingu - 43%

Ekki mikilvægt - 7%

Hef aldrei fengið fullnæginu í kynlífi 6%

Karlar:

Mikilvægt að ég fái fullnæginu - 55%

Þarf ekki alltaf að fá fullnægingu - 39% 

Ekki mikilvægt - 4%

Hef aldrei fengið fullnæginu í kynlífi - 2%

*Tekið skal fram að niðurstöður byggjast eingöngu á svörum lesenda Vísis og því ekki hægt að alhæfa um niðurstöður. Kannanir Makamála eru ætlaðar til skemmtunar og til að vekja umræðu og athygli á ýmsum málefnum.

Makamál tóku viðtal við Siggu Dögg kynfræðing á dögunum þar sem hún talaði meðal annars um að pressan að fá fullnægingu í kynlífi geti oft á tíðum takmarkað upplifun fólks á kynlífinu sjálfu. 

Einnig talaði hún um mikilvægi þess að fólk taki sér góðan tíma í kynlíf og að örva hvort annað. 

Ef þú ætlar að búa til góða spagettísósu, þá tekur það ekki bara tíu mínútur. Hún þarf helst að malla svolítið svo að hún verði góð. Þetta virkar eins með kynlíf.