Knattspyrnusamband Íslands hefur fengið það staðfest að leikur Íslands og Rúmeníu á morgun muni fara fram.
Knattspyrnusambands Íslands staðfesti það á heimasíðu sinni í dag að leikir A landsliðs karla í október munu fara fram samkvæmt áætlun.
Íslenska landsliðið spilar þrjá heimaleiki á átta dögum í október. Sá fyrsti er á móti Rúmeníu á morgun í umspili fyrir Evrópumótið næsta sumar en hinir tveir leikirnir eru á móti Belgíu og Danmörku í Þjóðadeildinni.
KSÍ getur nú staðfest að leikir A landsliðs karla í október munu fara fram samkvæmt áætlun. Einu áhorfendurnir verða 60 meðlimir Tólfunnar. https://t.co/3Y0gjAdunj
— Knattspyrnusambandið (@footballiceland) October 7, 2020
Í samræmi við tilmæli í nýrri auglýsingu heilbrigðisyfirvalda sér KSÍ sér ekki fært að taka við áhorfendum á Laugardalsvelli og verða allir seldir miðar endurgreiddir.
Undantekningin frá þessu er að í samstarfi við bakhjarla KSÍ verða Tólfunni boðnir 60 miðar á leikina til að tryggja Tólfu-stemmningu á vellinum styðja við íslenska liðið í þessu mikilvæga verkefni.
Leikur Íslands og Rúmeníu hefst klukkan 18.45 á morgun en leikurinn verður í beinni á Stöð 2 Sport og á Stöð 2. Upphitun hefst á Stöð 2 Sport klukkan 17.45.
