Kría er annað tveggja nýrra liða í Grill-66 deildinni í handbolta. Deildin fer af stað í kvöld og eina spurningin er hversu hátt getur Krían flogið?
Svava Kristín Grétarsdóttir fór yfir öflugt lið Kríu í Sportpakka Stöðvar 2 í kvöld. Innslagið má sjá hér að neðan.
Gakktu til liðs við Kríu fjölskylduna! Tryggðu þér heimaleikja kort þar sem þú færð veitingar og drykki fyrir alla leiki og í hálfleik, ásamt öðrum fríðindum #kría4life https://t.co/6ekFKC7Ff5 pic.twitter.com/WimmCSBBQi
— Kría - Handbolti (@KHandbolti) September 8, 2020
Sigurður Ingiberg Ólafsson stendur í rammanum en hann hefur leikið með Val og ÍR í Olís-deildinni undanfarin ár. Kristján Orri Jóhannsson – sem skoraði 102 mörk í Olís-deildinni á síðustu leiktíð – er einnig genginn til liðs við liðið.
Þá eru þeir Júlíus Þórir Stefánsson, Daði Laxdal Gautason, Egill Ploder Ottórsson, Jón Kaldal Jóhannsson, Filip Andonov, Árni Benedikt Árnason, tvíburarnir Henrik og Hlynur Bjarnasynir ásamt Vilhjálmi Geir Haukssyni allir í leikmannahópi liðsins.
Deildin fer af stað nú í kvöld og ljóst að það verður mikið fjör í Grill-66 deildinni í vetur.
