Tvö ný smit innanlands

Tveir einstaklingar greindust með kórónuveiruna innanlands í gær. Annar var í sóttkví við greiningu en hinn ekki. Á landamærunum greindist ekkert smit síðasta sólarhringinn. Þetta kemur fram á covid.is

Í sóttkví eru nú 362, í einangrun eru 63 og 2.050 manns eru í skimunarsóttkví.

Einn er inniliggjandi á sjúkrahúsi, en af þeim 2165 sem hafa greinst með veiruna hérlendis eru tíu látin.

Innanlands voru tekin 210 einkennasýni en 755 á landamærunum. Þá voru önnur sýni, tekin af Íslenskri erfðagreiningu, 124 talsins.