YouTube-stjarna birtir köfunarmyndband úr Silfru

YouTube-stjarnan Tom Scott birtir reglulega myndbönd á síðu sinni frá ferðalögum hans um heiminn. Hann var á dögunum staddur hér á landi og kafaði í Silfru við Þingvelli.

Honum þótti merkilegt að geta kafað frá einni heimsálfu yfir í aðra en flekaskilin milli Evrópu og Norður-Ameríku eru einmitt á svipuðum slóðum.

Myndbandið hefur strax vakið töluverða athygli og þegar þessi grein er skrifuð hafa um fimm hundruð þúsund manns horft.

Það getur verið mjög hættulegt að kafa í Silfru og varð Scott að hafa með sér færa leiðsögumenn með í för, kafara sem eru vanir þessum aðstæðum og kuldanum í vatninu.

Hér að neðan má sjá myndbandið sjálft.