Slasaðist á Snæfelli

Kalla þurfti til þyrlu Landhelgisgæslunnar til þess að sækja göngumann sem slasaðist á göngu á Snæfelli á Austurlandi í dag.

Lögregla fékk tilkynningu um slysið skömmu eftir hádegi en maðurinn reyndist ekki alvarlega slösuð. Hann komst þó ekki niður af fjallinu án aðstoðar, og voru björgunarsveitir því ræstar út.

Þyrlan var einnig kölluð út til þess að sækja manninn á fjallið, og var hann fluttur á sjúkrahúsið á Akureyri.

Í tilkynningu frá Landhelgisgæslunni segir einnig að á heimleið frá þessu útkalli hafi annað útkall borist, í þetta skiptið vegna slasaðrar göngukonu á Fimmvörðuhálsi sem hafði meiðst á fæti. Þyrlan kom þar við og flutti hina slösuðu á Landspítalann í Fossvogi.