Þórir og félagar steinlágu í Minnesota

Íslenski körfuboltamaðurinn Þórir Þorbjarnarson var á sínum stað í liði Nebraska Huskers þegar liðið heimsótti Minnesota í bandaríska háskólaboltanum í kvöld að viðstöddum tæplega 10 þúsund áhorfendum.

Skemmst er frá því að segja að leikurinn varð aldrei spennandi því heimamenn tóku snemma öll völd.

Fór að lokum svo að Minnesota vann 32 stiga sigur, 107-75 eftir að hafa leitt í leikhléi með 52 stigum gegn 37.

Þórir er í lykilhlutverki hjá Nebraska Huskers og skilaði fjórtán stigum á töfluna ásamt því að taka tvö fráköst.