Óður til jökla heimsins Sylvía Rut Sigfúsdóttir skrifar 7. febrúar 2020 10:03 Listaverkinu Sálumessa jöklanna eftir Heimi Hlöðversson var varpað á Hallgrímskirkju í gær á setningu Vetrarhátíðar. Vísir/Vilhelm Vetrarhátíð var sett í gær þegar listaverkinu Sálumessa jöklanna var varpað á Hallgrímskirkju. Verkið er óður til jökla heimsins og er ætlað að vekja fólk til umhugsunar um hlýnun jarðar. Yfir 150 viðburðir verða í boði í öllum sex sveitarfélögum höfuðborgarsvæðisins um helgina en hátíðinni lýkur á sunnudag. Dagskráin er fjölbreytt og ættu allir aldurshópar að geta fundið eitthvað við sitt hæfi. „Ég fékk þá hugmynd í sumar að breyta Hallgrímskirkju í jökul sem er að bráðna. Þetta er óður til jökla heimsins,“ sagði Heimir Hlöðversson listamaðurinn á bak við Sálumessu jöklanna, í kvöldfréttum Stöðvar 2 í gær. Jöklana sýnir hann stóra á Hallgrímskirkju og fer hann líka inn í jöklana svo þetta á að vera „jöklaupplifun einhverskonar,“ sagði listamaðurinn um verkið. Þessi hátíð ljóss og myrkurs samstendur af þrem meginstoðum: Safnanótt, Sundlauganótt og ljósalist ásamt yfir 150 viðburðum þar sem fjöldi listamanna tekur þátt í að skapa einstaka stemningu í borginni. Á þriðja tug bygginga á höfuðborgarsvæðinu verða upplýstar í einkennislitum Vetrarhátíðar, grænum og fjólubláum, auk þess sem ljóslistaverk verða á nokkrum lykilbyggingum á höfuðborgarsvæðinu; Hallgrímskirkju, Listasafni Reykjavíkur, Listasafni Íslands, Hörpu og Ráðhúsi Reykjavíkur. Hallgrímskirkja við setningu Vetrarhátíðar í gær.Vísir/Vilhelm Safnanæturstrætó gengur í dag Guðmundur Birgir Halldórsson verkefnastjóri hjá Reykjavíkurborg sagði í samtali við fréttastofu í gær að hátíðin væri fyrir alla, hápunktarnir eru meðal annars safnanótt í kvöld, ljósagangan og sundlaugarnótt á sunnudag. Í dag verður opið frá 18 til 23 í 50 söfnum í öllum þessum sex sveitarfélögum. Gestir hátíðarinnar eru hvattir til að nýta sér sérstakan Safnanæturstrætó sér að kostnaðarlausu. Nánari upplýsingar um leiðarkerfið fyrir þennan Safnanæturstrætó má finna á vef hátíðarinnar. Vagninn mun ganga á milli allra safna á höfuðborgarsvæðinu og auðveldar þannig gestum að heimsækja söfnin og taka þátt í Safnanæturleiknum. Sundlauganótt verður haldin sunnudagskvöldið 9. Febrúar 2020 en þá verður frítt í sund frá 17:00 til 22.00 í 11 sundlaugum Höfuðborgarsvæðisins. Uppákomur í laugunum verða af margvíslegum toga og munu gestir fá að upplifa einstaka og óvenjulega kvöldstund í mögnuðu myrkri. Ljós, myrkur og gleði verða allsráðandi, þar sem gestir eru hvattir til að taka þátt með því að slaka á og njóta stundarinnar. Hér má sjá dagskrá Vetrarhátíðarinnar. Umfjöllun Stöðvar 2 frá því í gær má sjá í spilaranum hér fyrir neðan. Menning Reykjavík Styttur og útilistaverk Vetrarhátíð Hallgrímskirkja Mest lesið Kvaddi dramað og flutti fyrir ástina Lífið Kátir tískukarlar hjá Kölska Tíska og hönnun Maður þurfti ekki að vera skyggn Gagnrýni Ein lausn er að liggja hlið við hlið og fróa sér Lífið Verslunarhjón selja glæsivillu í 108 Lífið Selur slapp úr hvalskjafti Lífið „Það spurði þig enginn“ Lífið Okkar eigið Ísland: Skelltu sér í slímuga laug Lífið Eitt stærsta bílabíó landsins fer fram um helgina Lífið Gáfu dótturinni þrjú nöfn Lífið Fleiri fréttir Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira
Vetrarhátíð var sett í gær þegar listaverkinu Sálumessa jöklanna var varpað á Hallgrímskirkju. Verkið er óður til jökla heimsins og er ætlað að vekja fólk til umhugsunar um hlýnun jarðar. Yfir 150 viðburðir verða í boði í öllum sex sveitarfélögum höfuðborgarsvæðisins um helgina en hátíðinni lýkur á sunnudag. Dagskráin er fjölbreytt og ættu allir aldurshópar að geta fundið eitthvað við sitt hæfi. „Ég fékk þá hugmynd í sumar að breyta Hallgrímskirkju í jökul sem er að bráðna. Þetta er óður til jökla heimsins,“ sagði Heimir Hlöðversson listamaðurinn á bak við Sálumessu jöklanna, í kvöldfréttum Stöðvar 2 í gær. Jöklana sýnir hann stóra á Hallgrímskirkju og fer hann líka inn í jöklana svo þetta á að vera „jöklaupplifun einhverskonar,“ sagði listamaðurinn um verkið. Þessi hátíð ljóss og myrkurs samstendur af þrem meginstoðum: Safnanótt, Sundlauganótt og ljósalist ásamt yfir 150 viðburðum þar sem fjöldi listamanna tekur þátt í að skapa einstaka stemningu í borginni. Á þriðja tug bygginga á höfuðborgarsvæðinu verða upplýstar í einkennislitum Vetrarhátíðar, grænum og fjólubláum, auk þess sem ljóslistaverk verða á nokkrum lykilbyggingum á höfuðborgarsvæðinu; Hallgrímskirkju, Listasafni Reykjavíkur, Listasafni Íslands, Hörpu og Ráðhúsi Reykjavíkur. Hallgrímskirkja við setningu Vetrarhátíðar í gær.Vísir/Vilhelm Safnanæturstrætó gengur í dag Guðmundur Birgir Halldórsson verkefnastjóri hjá Reykjavíkurborg sagði í samtali við fréttastofu í gær að hátíðin væri fyrir alla, hápunktarnir eru meðal annars safnanótt í kvöld, ljósagangan og sundlaugarnótt á sunnudag. Í dag verður opið frá 18 til 23 í 50 söfnum í öllum þessum sex sveitarfélögum. Gestir hátíðarinnar eru hvattir til að nýta sér sérstakan Safnanæturstrætó sér að kostnaðarlausu. Nánari upplýsingar um leiðarkerfið fyrir þennan Safnanæturstrætó má finna á vef hátíðarinnar. Vagninn mun ganga á milli allra safna á höfuðborgarsvæðinu og auðveldar þannig gestum að heimsækja söfnin og taka þátt í Safnanæturleiknum. Sundlauganótt verður haldin sunnudagskvöldið 9. Febrúar 2020 en þá verður frítt í sund frá 17:00 til 22.00 í 11 sundlaugum Höfuðborgarsvæðisins. Uppákomur í laugunum verða af margvíslegum toga og munu gestir fá að upplifa einstaka og óvenjulega kvöldstund í mögnuðu myrkri. Ljós, myrkur og gleði verða allsráðandi, þar sem gestir eru hvattir til að taka þátt með því að slaka á og njóta stundarinnar. Hér má sjá dagskrá Vetrarhátíðarinnar. Umfjöllun Stöðvar 2 frá því í gær má sjá í spilaranum hér fyrir neðan.
Menning Reykjavík Styttur og útilistaverk Vetrarhátíð Hallgrímskirkja Mest lesið Kvaddi dramað og flutti fyrir ástina Lífið Kátir tískukarlar hjá Kölska Tíska og hönnun Maður þurfti ekki að vera skyggn Gagnrýni Ein lausn er að liggja hlið við hlið og fróa sér Lífið Verslunarhjón selja glæsivillu í 108 Lífið Selur slapp úr hvalskjafti Lífið „Það spurði þig enginn“ Lífið Okkar eigið Ísland: Skelltu sér í slímuga laug Lífið Eitt stærsta bílabíó landsins fer fram um helgina Lífið Gáfu dótturinni þrjú nöfn Lífið Fleiri fréttir Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira