Fimmti sigur­leikur Indiana í röð og San Antonio hafði betur gegn Miami

Tveir leikir fóru fram í NBA-körfuboltanum í nót. Miami tapaði á heimavelli gegn San Antonio og Indiana vann átta stiga sigur á Denver.

San Antonio hafði betur gegn Miami 107-102 en LaMarcus Aldridge var stigahæstur hjá San Antonio með 21 stig. DeMar DeRozan bætti við 20 stigum, níu fráköstum og níu stoðsendingum.

Bam Adebayo var stigahæstur í liði Miami með 21 stig og tók hann einnig sextán fráköst. Hann gaf svo sex stoðsendingar.

Patty Mills hustles to save the ball and regain possession for the Spurs, earning your Heads Up Play of the Day! pic.twitter.com/d5amPTciqj

— NBA TV (@NBATV) January 20, 2020

Í Denver töpuðu heimamenn fyrir Indiana, 107-115. Doug McDermott gerði 24 stig fyrir Indiana en Nikola Jokic skoraði 30 stig fyrir Denver sem og að taka tíu fráköst.

Úrslit næturinnar:

Indiana - Denver 115-107

Miami - San Antonio 102-107