Valdimar hefur misst 30 kíló: „Kærasta sem stoppar mig þegar mig langar að panta pizzu“

„Núna þarf ég aðeins að monta mig.“

Svona hefst færsla frá tónlistarmanninum Valdimari Guðmundssyni á Twitter en þar greinir hann frá því að hann hafi misst þrjátíu kíló á síðustu mánuðum.

„Ég steig núna á vigt í fyrsta skipti síðan í sumar og sá að ég er búinn að missa 30 kíló. Og í því fólust engar öfgar. Bara aðeins hollara mataræði og kærasta sem stoppar mig þegar mig langar að panta pizzu þegar ég nenni ekki að elda.“

Valdimar var gestur í Einkalífinu á síðasta ári og opnaði hann sig þar um baráttu sína við matarfíkn og yfirþyngd. Hér að neðan má sjá þáttinn í heild sinni.