Frum­raun Erik­sen á Ítalíu og Real Madrid rúllaði yfir Zaragoza

Real Madrid er komið áfram í spænska bikarnum og Inter marði Fiorentina í ítalska bikarnum er leikið var í bikarkeppnum víða um Evrópu í kvöld.

Real Madrid rúllaði yfir Real Zaragoza á útivelli. Raphael Varane kom Madrídingum yfir á sjöttu mínútu og Lucas Vazquez tvöfaldaði forystuna á 32. mínútu.

Vinicius Junior bætti við þriðja markinu á 72. mínútu og Karim Benzema skoraði fjórða og síðasta mark leiksins tíu mínútum fyrir leikslok. Lokatölur 4-0.

Real er komið áfram í átta liða úrslitin ásamt Athletic Bilbao, Valencia, Villareal, Real Sociedad. Barcelona spilar við Leganes annað kvöld sem og Mirandes og Sevilla mætast.

Inter Marci 2-1 sigur á Fiorentina á heimavelli í fyrsta leik Christian Eriksen fyrir ítalska liðið.

Antonio Candreva kom Inter yfir á síðustu mínútu fyrri hálfleiks en martin Caceres jafnaði metin eftir klukkutímaleik.

Þeim danska var skipt inn á er 66 mínútur voru komnar á klukkuna og mínútu síðar skoraði Nicola Barella sigurmarkið. Lokatölur 2-1.

Inter er komið í undanúrslitin þar sem þeira mæta Napoli í tveimur leikjum.