Tekur við starfi fjár­festa­tengils Ís­lands­banka

Margrét Lilja Hrafnkelsdóttir hefur tekið við starfi fjárfestatengils hjá Íslandsbanka.

Í tilkynningu frá bankanum kemur fram að Margrét Lilja hafi starfað hjá Íslandsbanka frá árinu 2015.

„Hún hóf störf í áhættustýringu bankans og starfaði síðar sem sérfræðingur á Einstaklingssviði. Áður starfaði hún hjá Nordea um tveggja ára skeið við lausafjárstýringu og þar áður hjá Seðlabanka Íslands í markaðsviðskiptum og í alþjóðasamskiptum.

Hún er með BSc próf í Hagfræði frá Háskóla Íslands og MSc próf í haggreiningu og tölulegum aðferðum frá Stockholm School of Economics. Hún er einnig með próf í verðbréfaviðskiptum,“ segir í tilkynningunni.