Ókeypis þátttaka í nýsköpunarhemil á Þingeyri Rakel Sveinsdóttir skrifar 10. ágúst 2020 09:00 StartUp Westfjords nýsköpunarhemillinn verður haldinn á Þingeyri í október. Vísir/Blábankinn Dagana 12.-18.október verður tólf frumkvöðlum með nýsköpunarverkefni boðin þátttaka í StartupWestfjords nýsköpunarhemil á Þingeyri. Nýsköpunarhemillinn er á vegum Blábankans og er þátttakendum að kostnaðarlausu. Andrea Barbieri framkvæmdastjóri Blábankans hvetur frumkvöðla til að sækja um því dagskránni er bæði ætlað að vera þeim lærdómsrík en eins tækifæri til að vinna enn frekar að sínum nýsköpunarverkefnum. Dagskráin hefst á hverjum morgni með kynningu reynslumikilla aðila úr nýsköpun og atvinnulífi eða mentora. Mentorarnir verða fimm en þeir eru Ásta Kristín Sigurjónsdóttir hjá íslenska ferðaklasanum, Helgi Rúnar Óskarsson forstjóri 66 Norður, G. Fertram Sigurjónsson hjá Kerecis, Stefán Þór Helgason hjá KPMG og Þórarinn Bjartur Breiðfjörð Gunnarsson hjá Fab Lab. Að sögn Andrea eru þessar kynningar mentora afar mikilvægar frumkvöðlum í nýsköpun. „Fólk fær að heyra frá reynslumiklu fólki hvernig það er að standa í rekstri eða að stýra stórfyrirtæki, hvernig hægt er að koma hugmyndum í framkvæmd, heyrir um markaðsaðferðir sem hafa virkað vel og fleira,“ segir Andrea og bætir við Það lærist svo margt af því að fá að heyra af raunverulegum dæmum, jafnvel um vandamál eða erfiðleika sem kunna að koma upp í þeirri vegferð sem rekstur eða framleiðsla er.“ Þá segir Andrea þátttakendur fá tækifæri til að ræða betur við mentorana því í lok dags er gert ráð fyrir tíma þar sem frumkvöðlarnir geta sest niður með þeim í frekari spjall og til að leita ráða fyrir sín verkefni. Mentorarnir fimm efri röð f.v.: G. Fertram Sigurjónsson hjá Kerecis, Helgi Rúnar Óskarsson 66Norður, Stefán Þór Helgason KPMG. Neðri röð: Ásta Kristín Sigurjónsdóttir hjá ferðaklasanum og Þórarinn Bjartur Breiðfjörð Gunnarsson Fab Lab.Vísir/Blábankinn „Hemill“ en ekki nýsköpunarhraðall Eftir hádegi gefst frumkvöðlum hins vegar svigrúm til að vinna að sínum eigin verkefnum. Andrea segir staðsetninguna á Þingeyri skipta sköpum enda er orðið „hemill“ tilvísun í það að á Þingeyri komast frumkvöðlarnir í ró og næði. „Á Þingeyri búa um 250 manns þannig að fólk getur ekki annað en slakað á í samanburði við öngþveitið eða áreitið í borginni. Þetta eitt og sér gefur frumkvöðlunum oft svigrúm til að geta einbeitt sér enn betur, jafnvel að skoða hlutina í nýju ljósi því það endurnærast allir og verða uppfullir af orku í svona rólegu og náttúrulegu umhverfi,“ segir Andrea. Hann segir dagskránna líka gera ráð fyrir að þátttakendur hafi frelsi og svigrúm til að kynnast aðeins bænum, ekki sé gert ráð fyrir að fólk sé bundið allar stundir á meðan á dvölinni stendur. En geta allir frumkvöðlar sótt um eða þurfa verkefnin þeirra að uppfylla einhver ákveðin skilyrði? „Já, í raun geta allir sótt um en þegar að við metum umsóknir horfum við til nokkurra þátta sérstaklega. Til dæmis hversu mikið nýsköpunarvægi tiltekið verkefni hefur, hvort verkefnið geti þjónað breiðum hópi notenda eða samfélags, hversu góðar kynningar og áætlanir hafa verið unnar og fleira.“ Andrea segir alls ekki aðeins horft til þess hversu hagnaðardrifið nýsköpunarverkefnin eru því mikið er horft til annarra þátta einnig. „Við horfum sérstaklega til samfélagslegrar ábyrgðar og umhverfisvænna þátta. Í raun hvetjum við umsækjendur til að horfa á verkefnin sín með þessum augum því við erum öll partur af samfélagi þar sem öll neysla skilur eftir sig fótspor. Mega fleiri en einn aðili koma með hverju verkefni? „Já, það mega allt að tveir fylgja hverju verkefni og þessa dagana erum við líka að gera ráðstafanir vegna Covid-19 fjarlægðarmarka og fleira,“ segir Andrea. Þá segir hann þátttakendum bjóðast að dvelja í viku umfram þá viku sem dagskráin er haldin og nýta sér þá aðstöðu sem Blábankinn hefur afnot af en hann er í húsnæði sem áður hýsti banka. Áhugasamir geta sótt um í gegnum vefslóðina www.startupwestfjords.is. Nýsköpun Ísafjarðarbær Mest lesið Þótti baðherbergið ógeðslegt og fór frá Íslandi Neytendur „Frekar kvöldsvæfur heldur en morgunfúll“ Atvinnulíf Atvinnumissir: „Það var rosa skrýtið að lenda í þessu“ Atvinnulíf Samþykktu allt að 45 prósent toll á kínverska rafbíla Viðskipti erlent Vaxtalækkun hænuskref í rétta átt en ekki megi gleyma nýlegum hækkunum Neytendur „En það hefur líka margt fallegt komið út úr þessu“ Atvinnulíf Samið um lok umfangsmikils verkfalls hafnarverkamanna Viðskipti erlent Misbauð meðferð á hundunum og mátti hætta á námskeiði Neytendur Landsbankinn rekur lestina og lækkar vexti Viðskipti innlent Loks opnað fyrir umsóknir um hlutdeildarlán Viðskipti innlent Fleiri fréttir „Frekar kvöldsvæfur heldur en morgunfúll“ Atvinnumissir: „Það var rosa skrýtið að lenda í þessu“ „En það hefur líka margt fallegt komið út úr þessu“ „Breytingaskeið kvenna hefur líka áhrif á karlavinnustaði“ „Það segir sig sjálft að við höfum endalausa orku“ Horfðu á hallærislegt sjónvarpsefni og úðuðu í sig bragðaref Að hætta að vera vandræðaleg í nýrri vinnu „Myndi alveg segja að hjartað í mér hafi verið í buxunum“ „Fjárfestar eru bara venjulegt fólk“ Gervigreind og tíska: Hafa nú þegar fengið 100 milljónir í styrki „Við eigum margar rómantískar stundir í vinnunni“ Langaði svakalega mikið í sleik við George Clooney Atvinnumissir: „Ég kunni nú ekki við að spyrja Jón beint“ Nýtt trend: Engir yfirmenn á vinnustaðnum Fótboltastelpan um starfsframann: „Að sækja sér tækifærin sjálfur“ „Fyrir mann sem er skrifblindur og lesblindur er þetta ekkert auðvelt“ „Ég verð auðveldlega meyr en segi engum frá því“ Draumar rætast: „Konur þurfa ekki alltaf að vera á skrilljón“ Draumar rætast: „Lengi skammaðist ég mín ...“ Biskupinn á hlaupum með Bubba Morthens og Sísí með Grýlunum Tvöfalt líf Ara: „Í fyrra túraði ég í sex vikur“ Klara á Kanarí: „Fólk kom með ferðatöskur af saltfiski og seldi“ Sjá meira
Dagana 12.-18.október verður tólf frumkvöðlum með nýsköpunarverkefni boðin þátttaka í StartupWestfjords nýsköpunarhemil á Þingeyri. Nýsköpunarhemillinn er á vegum Blábankans og er þátttakendum að kostnaðarlausu. Andrea Barbieri framkvæmdastjóri Blábankans hvetur frumkvöðla til að sækja um því dagskránni er bæði ætlað að vera þeim lærdómsrík en eins tækifæri til að vinna enn frekar að sínum nýsköpunarverkefnum. Dagskráin hefst á hverjum morgni með kynningu reynslumikilla aðila úr nýsköpun og atvinnulífi eða mentora. Mentorarnir verða fimm en þeir eru Ásta Kristín Sigurjónsdóttir hjá íslenska ferðaklasanum, Helgi Rúnar Óskarsson forstjóri 66 Norður, G. Fertram Sigurjónsson hjá Kerecis, Stefán Þór Helgason hjá KPMG og Þórarinn Bjartur Breiðfjörð Gunnarsson hjá Fab Lab. Að sögn Andrea eru þessar kynningar mentora afar mikilvægar frumkvöðlum í nýsköpun. „Fólk fær að heyra frá reynslumiklu fólki hvernig það er að standa í rekstri eða að stýra stórfyrirtæki, hvernig hægt er að koma hugmyndum í framkvæmd, heyrir um markaðsaðferðir sem hafa virkað vel og fleira,“ segir Andrea og bætir við Það lærist svo margt af því að fá að heyra af raunverulegum dæmum, jafnvel um vandamál eða erfiðleika sem kunna að koma upp í þeirri vegferð sem rekstur eða framleiðsla er.“ Þá segir Andrea þátttakendur fá tækifæri til að ræða betur við mentorana því í lok dags er gert ráð fyrir tíma þar sem frumkvöðlarnir geta sest niður með þeim í frekari spjall og til að leita ráða fyrir sín verkefni. Mentorarnir fimm efri röð f.v.: G. Fertram Sigurjónsson hjá Kerecis, Helgi Rúnar Óskarsson 66Norður, Stefán Þór Helgason KPMG. Neðri röð: Ásta Kristín Sigurjónsdóttir hjá ferðaklasanum og Þórarinn Bjartur Breiðfjörð Gunnarsson Fab Lab.Vísir/Blábankinn „Hemill“ en ekki nýsköpunarhraðall Eftir hádegi gefst frumkvöðlum hins vegar svigrúm til að vinna að sínum eigin verkefnum. Andrea segir staðsetninguna á Þingeyri skipta sköpum enda er orðið „hemill“ tilvísun í það að á Þingeyri komast frumkvöðlarnir í ró og næði. „Á Þingeyri búa um 250 manns þannig að fólk getur ekki annað en slakað á í samanburði við öngþveitið eða áreitið í borginni. Þetta eitt og sér gefur frumkvöðlunum oft svigrúm til að geta einbeitt sér enn betur, jafnvel að skoða hlutina í nýju ljósi því það endurnærast allir og verða uppfullir af orku í svona rólegu og náttúrulegu umhverfi,“ segir Andrea. Hann segir dagskránna líka gera ráð fyrir að þátttakendur hafi frelsi og svigrúm til að kynnast aðeins bænum, ekki sé gert ráð fyrir að fólk sé bundið allar stundir á meðan á dvölinni stendur. En geta allir frumkvöðlar sótt um eða þurfa verkefnin þeirra að uppfylla einhver ákveðin skilyrði? „Já, í raun geta allir sótt um en þegar að við metum umsóknir horfum við til nokkurra þátta sérstaklega. Til dæmis hversu mikið nýsköpunarvægi tiltekið verkefni hefur, hvort verkefnið geti þjónað breiðum hópi notenda eða samfélags, hversu góðar kynningar og áætlanir hafa verið unnar og fleira.“ Andrea segir alls ekki aðeins horft til þess hversu hagnaðardrifið nýsköpunarverkefnin eru því mikið er horft til annarra þátta einnig. „Við horfum sérstaklega til samfélagslegrar ábyrgðar og umhverfisvænna þátta. Í raun hvetjum við umsækjendur til að horfa á verkefnin sín með þessum augum því við erum öll partur af samfélagi þar sem öll neysla skilur eftir sig fótspor. Mega fleiri en einn aðili koma með hverju verkefni? „Já, það mega allt að tveir fylgja hverju verkefni og þessa dagana erum við líka að gera ráðstafanir vegna Covid-19 fjarlægðarmarka og fleira,“ segir Andrea. Þá segir hann þátttakendum bjóðast að dvelja í viku umfram þá viku sem dagskráin er haldin og nýta sér þá aðstöðu sem Blábankinn hefur afnot af en hann er í húsnæði sem áður hýsti banka. Áhugasamir geta sótt um í gegnum vefslóðina www.startupwestfjords.is.
Nýsköpun Ísafjarðarbær Mest lesið Þótti baðherbergið ógeðslegt og fór frá Íslandi Neytendur „Frekar kvöldsvæfur heldur en morgunfúll“ Atvinnulíf Atvinnumissir: „Það var rosa skrýtið að lenda í þessu“ Atvinnulíf Samþykktu allt að 45 prósent toll á kínverska rafbíla Viðskipti erlent Vaxtalækkun hænuskref í rétta átt en ekki megi gleyma nýlegum hækkunum Neytendur „En það hefur líka margt fallegt komið út úr þessu“ Atvinnulíf Samið um lok umfangsmikils verkfalls hafnarverkamanna Viðskipti erlent Misbauð meðferð á hundunum og mátti hætta á námskeiði Neytendur Landsbankinn rekur lestina og lækkar vexti Viðskipti innlent Loks opnað fyrir umsóknir um hlutdeildarlán Viðskipti innlent Fleiri fréttir „Frekar kvöldsvæfur heldur en morgunfúll“ Atvinnumissir: „Það var rosa skrýtið að lenda í þessu“ „En það hefur líka margt fallegt komið út úr þessu“ „Breytingaskeið kvenna hefur líka áhrif á karlavinnustaði“ „Það segir sig sjálft að við höfum endalausa orku“ Horfðu á hallærislegt sjónvarpsefni og úðuðu í sig bragðaref Að hætta að vera vandræðaleg í nýrri vinnu „Myndi alveg segja að hjartað í mér hafi verið í buxunum“ „Fjárfestar eru bara venjulegt fólk“ Gervigreind og tíska: Hafa nú þegar fengið 100 milljónir í styrki „Við eigum margar rómantískar stundir í vinnunni“ Langaði svakalega mikið í sleik við George Clooney Atvinnumissir: „Ég kunni nú ekki við að spyrja Jón beint“ Nýtt trend: Engir yfirmenn á vinnustaðnum Fótboltastelpan um starfsframann: „Að sækja sér tækifærin sjálfur“ „Fyrir mann sem er skrifblindur og lesblindur er þetta ekkert auðvelt“ „Ég verð auðveldlega meyr en segi engum frá því“ Draumar rætast: „Konur þurfa ekki alltaf að vera á skrilljón“ Draumar rætast: „Lengi skammaðist ég mín ...“ Biskupinn á hlaupum með Bubba Morthens og Sísí með Grýlunum Tvöfalt líf Ara: „Í fyrra túraði ég í sex vikur“ Klara á Kanarí: „Fólk kom með ferðatöskur af saltfiski og seldi“ Sjá meira