Ásdís Hjálmsdóttir Annerud, Íslandsmethafi í spjótkasti, varð í 2. sæti á móti í Þýskalandi í gær þar sem hún kastaði á ný yfir 60 metra og veitti ríkjandi Evrópumeistara góða keppni.
Hin þýska Christin Hussong, sem vann gull á síðasta Evrópumeistaramóti árið 2018, fagnaði sigri á heimavelli í Zweibrücken í gær. Ásdís tók forystuna með því að kasta 60,27 metra í fyrsta kasti en Hussong náði einu kasti sem var lengra, í þriðju umferð, þegar hún kastaði slétta 61 metra.
Ásdís Hjálmsdóttir Annerud 60.27 m í dag í Þýskalandi og annað sæti á eftir Evrópumeistaranum! Aldrei áður jafn stabíl í löngu köstunum!
— Freyr Ólafsson (@FreyrFormadur) July 25, 2020
Ásdís náði ekki að fylgja eftir góðu fyrsta kasti og reyndist það hennar lengsta. Í 3. sæti varð Annika Marie Füchs sem kastaði 55,68 metra.
„Dagurinn í dag var næstum því mjög góður dagur, en ég náði ekki að láta þetta alveg smella. En mikið fjári var þetta gaman,“ skrifaði Ásdís á Facebook-síðu sína.
Ásdís mun næst keppa á Kuortane Games í Finnlandi um næstu helgi.
60.27 m for at Sky's the Limit Today was close to being really good but I didn't quite get that hit in. But damn did...
Posted by Ásdís Hjálmsdóttir Annerud on Laugardagur, 25. júlí 2020
