Kvöldfréttir Stöðvar 2

Dómsmálaráðherra hafði frumkvæði að því að fengið yrði lögfræðiálit um ákvörðun fyrrverandi ríkislögreglustjóra um kjarabætur til yfirmanna lögreglunnar. Við heyrum í Áslaugu Örnu Sigurbjörnsdóttur í kvöldfréttum Stöðvar 2. 

Tugir þúsunda ábyrgðarmanna losnuðu undan ábyrgðum sínum á námslánum um síðustu mánaðamót þegar ábyrgðarmannakerfið var endanlega lagt niður. 

Þá fylgjumst við með athöfn á Þingvöllum í dag þar sem þess var minnst að fimmtíu ár eru liðin frá því forsætisráðherrahjónin og dóttursonur þeirra fórust í eldsvoða á Þingvöllum. 

Þetta og margt fleira á samtengdum rásum Stöðvar 2, Bylgjunnar og Vísis klukkan hálf sjö.