Tevez valdi sjö úr United í draumaliðið en engan frá City

Carlos Tevez, framherjinn knái, hefur átt ansi góðan knattspyrnuferil en hann spilaði m.a. með Manchester-liðunum báðum og Juventus.

Þessi 36 ára gamli framherji leggur bráðum skóna á hilluna en það vekur athygli í draumaliði Tevez á ferlinum að ekki einn leikmaður Manchester City kemst í liðið.

Tevez eyddi átta árum á Englandi. Hann kom fyrst til West Ham áður en hann hjálpaði bæði United og City að verða Englandsmeistarar en hann vann einnig Meistaradeildina með United.

Rio Ferdinand, Gabriel Heinze, Rio Ferdinand, Patrice Evra, Pual Scholes, Cristiano Ronaldo og Wayne Rooney komust allir í liðið ásamt Gianluigi Buffon, Andrea Pirlo og Paul Pogba frá Juventus og Hugo Ibarra frá Bocca Juniors.

Liðið: Gianluigi Buffon, Hugo Ibarra, Rio Ferdinand, Gabriel Heinze, Patrice Evra, Andrea Pirlo, Paul Scholes, Paul Pogba, Cristiano Ronaldo, Wayne Rooney og Lionel Messi.