„Ranka við mér frammi á gangi með einhverja fjóra, fimm lækna á bakinu að sprauta mig niður“

Leikarinn Aron Már Ólafsson er nýjasti gestur Sölva Tryggvasonar í hlaðvarpi hans. Þar talar hann við leikarann í tæplega tvær klukkustundir um allt milli himins og jarðar.

Aron gekk í gegnum það aðeins 18 ára að missa systur sína af slysförum sem var þá aðeins fimm ára. Aron lýsir því hvernig það var að fá þær fréttir.

„Ég talaði ekkert við mömmu í hálft ár áður en að þetta gerðist því að við náðum bara ekki saman og höfum alltaf verið svolítið eins og hundur og köttur en erum mjög góð í dag. Kannski var ég líka bara erfiður unglingur. Mamma hringir í mig og biður mig um að koma upp á spítala. Ég veit ekkert hvað er í gangi en veit að systir mín hafði lent í slysi en ég var ekki að fá nein almennilega svör,“ segir Aron og heldur áfram.

„Það koma síðan bara læknar inn og tilkynna okkur að hún sé látin. Svo fer ég í svona blackout og ranka við mér frammi á gangi með einhverja fjóra, fimm lækna á bakinu að sprauta mig niður. Ég ætlaði bara að hlaupa að bjarga henni.“

Hér að neðan má sjá brot úr viðtalinu.

Hér að neðan má sjá viðtalið í heild sinni.

Aron Már mætti á sínum tíma í Einkalífið og fór þar einnig yfir systurmissinn og lífið.