Dortmund hélt sér á lífi

Dortmund heldur enn í vonina um að ná Bayern Munchen á toppi þýsku úrvalsdeildarinnar í knattspyrnu eftir 1-0 sigur á Herthu Berlín á heimavelli í dag.

Eftir nokkuð rólegan fyrri hálfleik kom fyrsta og eina mark leiksins á 57. mínútu er Emre Can skoraði eftir laglegt samspil hjá Sancho og Brandt. Miðjumaðurinn Can kláraði svo færið vel.

Bayern München vann í dag 4-1 sigur á Bayer Leverkusen en Dortmund náði með sigrinum gegn Herthu í dag að minnka bilið aftur niður í sjö stig er fjórar umferðir eru eftir. Erfitt en þó tölfræðilega mögulegt. Hertha er í 9. sætinu.