Bein útsending: Kvöldfréttir Stöðvar 2

Heilbrigðisráðuneytið hefur ítrekað frestað því að hefja skimun fyrir krabbameini í ristli og endaþarmi að sögn framkvæmdastjóra Krabbameinsfélagsins sem hefur einnig áhyggjur af því að brjóstaskimun falli niður tímabundið um áramótin. Fjallað verður nánar um málið í kvöldfréttum Stöðvar 2.

Einnig verður fjallað um mikla orkudrykkjaneyslu íslenskra ungmenna, um stöðuna í Bandaríkjunum vegna mótmæla þar í landi og til að mynda notkun lögreglunnar á táragasi.

 Í fréttatímanum verður einnig hópi kvenna sem kalla sig Snjódrífurnar fylgt úr hlaði en þær ætla í tíu daga ferðalag yfir Vatnajökul af því tilefni að ein úr hópnum hefur sigrast á krabbameini sem talið var ósigrandi.

Þetta og margt fleira í kvöldfréttum á samtengdum rásum Stöðvar 2, Bylgjunnar og Vísis kl. 18:30, sem horfa má á hér að neðan.