Valdís leiðir á heimavelli en tveir jafnir í karlaflokki

Haraldur Franklín Magnús og Hákon Örn Magnússon leiða í karlaflokki og Valdís Þóra Jónsdóttir í kvennaflokki á B59-hótel mótinu á Akranesi en mótið er fyrsta mót tímabilsins á stigamótaröð GSÍ 2020.

Golfklúbburinn Leynir er framkvæmdaraðili mótsins og fór fyrsti hringur helgarinnar fram í dag. Haraldur Franklín og Hákon Örn leika báðir úr Golfklúbbi Reykjavíkur en þeir léku á fimm höggum undir pari.

GR-ingar eru áberandi í toppbaráttunni en fjórir af fimm efstu eru úr GR að loknum fyrsta keppnisdeginum. Topparnir voru tveimur höggum frá því að jafna vallarmetið sem Kristján Þór Einarsson, GM, setti árið 2016, en það er 65 högg eða -7.

Í kvennaflokki eru þrír atvinnukylfingar efstir eftir fyrsta keppnisdaginn á Garðavelli á Akranesi. Valdís Þóra Jónsdóttir, sem er á heimavelli á þessu móti, er efst á 67 höggum eða fimm höggum undir pari. Valdís Þóra hjó nærri vallarmetinu af bláum teigum í kvennaflokki. Guðrún Brá Björgvinsdóttir á það met en það setti hún árið 2012 en það er 66 högg.

Ólafía Þórunn Kristinsdóttir úr GR er höggi á eftir á -4 og Guðrún Brá, Íslandsmeistari í golfi undanfarin tvö ár, er þriðja á -1.

Staða efstu kylfinga í karlaflokki:

1.-2. Haraldur Franklín Magnús, GR 67 högg (-5)

1.-2. Hákon Örn Magnússon, GR 67 högg (-5)

3. Hlynur Bergsson, GKG 68 högg (-4)

4.-5. Guðmundur Ágúst Kristjánsson, GR 69 högg (-3)

4.-5. Dagbjartur Sigurbrandsson (GR) 69 högg (-3)

6.-9. Aron Emil Gunnarsson, (GOS) 70 högg (-2)

6.-9. Bragi Arnarson, (GR) 70 högg (-2)

6.-9. Ragnar Már Ríkharðsson, (GM) 70 högg (-2)

6.-9 Jóhannes Guðmundsson, (GR) 70 högg (-2)

10.-14. Kristófer Tjörvi Einarsson, (GV) 71 högg (-1)

10.-14. Guðmundur Rúnar Hallgrímsson, (GS) 71 högg (-1)

10.-14. Sverrir Haraldsson, (GM) 71 högg (-1)

10.-14. Lárus Ingi Antonsson, (GA) 71 högg (-1)

10.-14. Andri Þór Björnsson, (GR) 71 högg (-1)

Staða efstu kylfinga í kvennaflokki:

1. Valdís Þóra Jónsdóttir, (GL) 67 högg (-5)

2. Ólafía Þórunn Kristinsdóttir, (GR) 68 högg (-4)

3. Guðrún Brá Björgvinsdóttir, (GK) 71 högg (-1)

4.-5. Saga Traustadóttir, (GR) 73 högg (+1)

4.-5. Andrea Ýr Ásmundsdóttir, (GA) 73 högg (+1)

6.-7. Hulda Clara Gestsdóttir, (GKG) 74 högg (+2)

6.-7. Ragnhildur Kristinsdóttir, (GR) 74 högg (+2)

8. Perla Sól Sigurbrandsdóttir, (GR) 75 högg (+2)

9.-12. Hafdís Alda Jóhannsdóttir, (GK) 76 högg (+4)

9.-12. Heiðrún Anna Hlynsdóttir, (GOS) 76 högg (+4)

9.-12. Berglind Björnsdóttir, (GR) 76 högg (+4)