Dortmund tapaði mikilvægum stigum

Borussia Dortmund varð af mikilvægum stigum í toppbaráttunni í þýsku Bundesligunni þegar liðið tapaði fyrir Hoffenheim í kvöld.

Leikurinn byrjaði vel fyrir Dortmund, Mario Gotze skoraði strax á 17. mínútu og kom gestunum yfir.

Dortmund náði ekki að koma inn öðru marki en það stefndi allt í að þeir myndu ná að hanga á sigrinum þar til á 79. mínútu þegar Sargis Adamyan jafnaði metin.

Á 87. mínútu skoraði Andrej Kramaric með skalla eftir fyrirgjöf inn í teginn. Myndbandsdómgæslan þurfti að taka markið fyrir og skoða vegna rangstöðu en hún var ekki og markið stóð.

Dortmund náði ekki að svara, lokatölur urðu 2-1 fyrir Hoffenheim.

Hoffenheim er nú komið upp í sjötta sæti deildarinnar með 27. stig. Dortmund er í fjórða sæti með 30 stig, fjórum stigum á eftir toppliðunum sem eiga leik til góða.