Fótbolti

Atalanta niðurlægði AC Milan

Anton Ingi Leifsson skrifar
Suso horfir til himins. Vandræði hjá þeim rauðu og svörtu í Mílanó.
Suso horfir til himins. Vandræði hjá þeim rauðu og svörtu í Mílanó. vísir/getty

Það gengur ekki né rekur hjá AC Milan í ítalska boltanum. Í dag tapaði liðið 5-0 fyrir Atalanta á útivelli.

Þetta var áttundi tapleikur Mílanó-liðsins í sautján deildarleikjum í vetur en liðið er með 21 stig í tíunda sæti deildarinnar.

Staðan var 1-0 í hálfleik en Papu Gomez skoraði fyrsta markið á tíundu mínútu leiksins. Mario Pasalic skoraði annað markið á 61. mínútu og tveimur mínútum síðar skoraði Josip Ilicic.

Ilicic var aftur á ferðinni rúmum stundarfjórðungi fyrir leikslok er hann kom Atalanta í 4-0 og fimmta markið skoraði Luis Muriel sjö mínútum fyrir leikslok.







Atalanta er í 5. sæti delidarinnar með 31 stig en ítalska deildin er nú á leið í jólafrí. Það er spurning hvort AC Milan rétti úr kútnum eftir frí.

Ítalski boltinn

Mest lesið


Fleiri fréttir

Sjá meira


×

Mest lesið