Fótbolti

Zlatan kominn aftur til AC Milan

Ástrós Ýr Eggertsdóttir skrifar
Zlatan er mættur aftur til Ítalíu
Zlatan er mættur aftur til Ítalíu vísir/getty

Zlatan Ibrahimovic hefur skrifað undir samning hjá AC Milan og mun spila fyrir félagið út tímabilið.

Félagið tilkynnti um komu Zlatans nú fyrir skömmu, en þetta verður í annað skiptið sem Zlatan spilar fyrir Milan.





Sænski framherjinn var á mála hjá AC Milan á árunum 2010-2012 og varð Ítalíumeistari með félaginu 2011. Síðan þá hefur Milan ekki náð að verða meistari.

Zlatan spilaði 61 deildarleik fyrir Milan og gerði í þeim 42 mörk.

Síðustu ár hefur Zlatan verið á mála hjá LA Galaxy en þessi 38 ára framherji hefur spilað með Manchester United, PSG, Barcelona, Inter Milan, Juventus, Ajax og Malmö á ferlinum.

Samkvæmt heimildum Sky Sports er samningurinn til 6 mánaða með möguleika á framlengingu.

Ítalski boltinn

Mest lesið


Fleiri fréttir

Sjá meira


×

Mest lesið