Valur semur við Magnús

Magnús Egilsson hefur skrifað undir tveggja ára samning við Val og mun leika með liðinu í Pepsi Max-deild karla en Valsmenn staðfestu þetta í kvöld.

Vísir greindi frá því á dögunum að Magnús hafði æft með Valsliðinu undanfarna daga og vikur en Magnús er frá Færeyjum og lék sinn fyrsta landsleik í síðasta mánuði.

Heimir Guðjónsson tók við Val í vetur eftir að hafa stýrt HB undanfarin tvö ár.

Færeyskur landsliðsmaður til liðs við Val

Magnús Egilsson sem er landsliðsmaður Færeyja og hefur orðið Færeyjameistari og bikarmeistari með HB semur við Val til 2ja ára. Magnús er vinstri bakvörður og lék með HB undir stjórn Heimis. #fotboltinet@VisirSport@mblsport@433_ispic.twitter.com/CusWA7VpAP

— ValurFotbolti (@Valurfotbolti) December 10, 2019

Magnús lék síðustu tvö ár undir stjórn Heimis hjá HB í Færeyjum þar sem hann varð bæði bikar- og Færeyjarmeistari en hann hefur nú samið við Val.

Magnúsi er ætlað að fylla skarð Bjarna Ólafs Eiríkssonar og keppa við Ívar Örn Jónsson um vinstri bakvarðarstöðuna hjá Val.