Kvöldfréttir Stöðvar 2

Ráðamenn Icelandair vilja að Hvassahraun verði áfram skoðað sem framtíðarstaðsetning fyrir millilandaflug. Forstjóri félagsins segir að þegar horft sé til framtíðar sé engin spurning að hagkvæmt sé að hafa sameiginlegan völl fyrir innanlands- og millilandaflug. Rætt verður við Boga Nils Bogason, forstjóra Icelandair Group, í kvöldfréttum Stöðvar 2.

Einnig fjöllum við um stöðuna á Seltjarnarnesi en börn í efstu bekkjum grunnskólans fóru ekki í skólann í dag vegna gagnrýni bæjarstjórnar á námsmat skólans. Rætt verður við framkvæmdastýru Kvennaathvarfsins sem vill að komið verði á fót sérstakri neyðarmóttöku fyrir þolendur heimilisofbeldis og fjallað verður um sprotafyrritæki sem vill koma upp óháðri bálstofu og minningargarði.

Þetta og margt fleira í kvöldfréttum á samtengdum rásum Stöðvar 2, Bylgjunnar og Vísis kl. 18:30.