Telur ráðningu Magnúsar Geirs löngu ákveðna og ólykt leggja frá Efstaleiti Kolbeinn Tumi Daðason skrifar 6. desember 2019 14:30 Hólmfríður Gísladóttir, fréttastjóri Mannlífs. Hákon Davíð Björnsson Það var löngu ákveðið hvern Lilja Dögg Alfreðsdóttir mennta- og menningarmálaráðherra myndi skipa sem Þjóðleikhússtjóra. Hið sama virðist vera uppi á teningnum í Efstaleiti þar sem stjórn RÚV vill velja í stól útvarpsstjóra bak við luktar dyr. Þetta segir Hólmfríður Gísladóttir, fréttastjóri Mannlífs, í leiðara sínum í dag. Hún segir ólykt liggja frá Efstaleiti þessa dagana þar sem staða útvarpsstjóra hefur verið auglýst til umsóknar. Stjórn Ríkisútvarpsins eigi að skammast sín. Eins og fram hefur komið hefur stjórn Ríkisútvarpsins hafnað því að gefa upp nöfn umsækjenda um stöðuna. Bera þeir fyrir sig ráðgjöf frá ráðgjafarfyrirtæki sem telji að hæfara fólk sæki um verði nöfn umsækjenda ekki gerð opinber. Úrskurðarnefnd upplýsingamála hefur kveðið upp úrskurð um að RÚV þurfi ekki að birta nöfnin. Það þýði þó ekki að RÚV megi ekki birta nöfnin. „Það leggur ólykt frá Efstaleiti,“ segir Hólmfríður. Upphaflegur umsóknarfrestur um stöðuna rann út þann 2. desember. Stjórn RÚV ákvað hins vegar að framlengja frestinn til 9. desember án skýringa. Úr leiðara Hólmfríðar í dag. Fyrirfram ákveðin niðurstaða? „Fnyk af spillingu og fyrirfram ákveðinni niðurstöðu. Þegar hart er sótt að Ríkisútvarpinu úr mörgum áttum ákveður stjórn hins opinbera hlutafélags að stíga fram og færa andstæðingum „RÚV“ sprengjuvörpu í jólagjöf. „Við ætlum ekki að birta nöfn umsækjenda til að fá hæfustu umsækjendurna. Af því að ráðgjafarfyrirtækið úti í bæ sagði það.“ Hólmfríður lýsir þessum svörum RÚV sem bulli. Sá sem hafi hæfileika og metnað til að sækja um stöðu útvarpsstjóra sé ekki í þeirri stöðu að þurfa að leyna því. „Á þetta núna að verða boðleg afsökun til að veita ekki upplýsingar um umsækjendur um mikilvægar stöður? Hvarflaði ekki að neinum í pólitískri stjórn RÚV að vega og meta ávinninginn af því að halda upplýsingunum leyndum annars vegar og að fara í feluleik gagnvart þjóðinni hins vegar? Er enginn ímyndarráðgjafi starfandi hjá ráðgjafarfyrirtækinu?“ Segir löngu vitað að Magnús Geir yrði útvarpsstjóri Hólmfríður er sannfærð um að Lilja Alfreðsdóttir mennta- og menningarmálaráðherra hafi fyrir löngu verið búin að ákveða að skipa Magnús Geir Þórðarson, fráfarandi útvarpsstjóra, sem Þjóðleikhússtjóra. „Löngu áður en mennta- og menningarmálaráðherra tilkynnti um ráðningu nýs Þjóðleikhússtjóra var alveg sama við hvern var rætt; stjórnmálamenn, blaðamenn, leikna eða lærða ... allir hvísluðu verst geymda leyndarmálinu 2019; starf útvarpsstjóra yrði laust til umsóknar innan tíðar.“ Ráðningarferlið í Þjóðleikhúsinu hafi verið sjónarspil. Fleiri hafa talað á svipuðum nótum og græddi Magnús Ragnarsson, sjónvarpsstjóri hjá Símanum, peninga af fólki í veðmálum um hver yrði skipaður Þjóðleikhússtjóri. Bauð hann fólkinu, sem hann hafði peningana af, upp á líkurnar fjórir gegn einum. Svo viss var hann í sinni sök. Var rétt í þeesu að vinna 4 veðmál. Nettó 120 þús kjall:https://t.co/0FjYmecwnY— Magnus Ragnarsson (@MagnusRagnars) November 1, 2019 Er búið að taka ákvörðunina Hólmfríður segir allt benda til þess að stjórn Ríkisútvarpsins vilji fá að velja í stól útvarpsstjóra bak við luktar dyr. „Er nema von að menn spyrji hvort búið sé að taka ákvörðunina? Hvort málið snúist ekki um að fá hæfustu umsækjendurna heldur rétta umsækjandann? Þurftu menn e.t.v. viku til viðbótar til að sjá hvernig stemningin yrði í þjóðfélaginu, hvort við myndum ekki bara sætta okkur við að fá ekki að vita, hvort plottið myndi ganga upp?“ Fjölmargar konur hafa verið nefndar til sögunnar sem næsti útvarpsstjóri.Vísir Þá hugsar hún til starfsmanna RÚV sem þurfi að berjast fyrir réttindum innanhúss á meðan utanhúss geisi stríð um vinnustaðinn. „Á sama tíma og þeir stunda dúndur rannsóknarblaðamennsku og þáttagerð, bæði í sjónvarpi og útvarpi, þá þurfa þeir að verja misgáfulegar ákvarðanir þeirra sem eru ofar í fæðukeðjunni. Verja tilvist sína sem, miðað við stöðuna á fjölmiðlamarkaði í dag, hefur e.t.v. aldrei verið mikilvægari. Skammastu þín Kári Jónasson og skammastu þín stjórn Ríkisútvarpsins. Skammist ykkar fyrir að standa ekki með starfsmönnum RÚV. Skammist ykkar fyrir að halda upplýsingum frá þjóðinni sem hún á rétt á. Skammist ykkar fyrir að fela ykkur á bak við þessa ljótu ohf-druslu sem pólitíkusarnir bjuggu til. Skammist ykkar.“ Fjölmiðlar Leikhús Ráðning útvarpsstjóra Vistaskipti Mest lesið Segir andúð meiri í garð Miðflokksmanna en trans fólks Innlent Kína sendir skilaboð til Bandaríkjanna og Trump svarar um hæl Erlent Rannsaka stórfellda líkamsárás í Seljahverfi Innlent Drekinn beraði vígtennurnar Erlent Keyrðu hratt á hjólreiðastíg og tóku fram úr reiðhjólamönnum á háannatíma Innlent Vegaframkvæmdir við Höfðabakka valdi bæði umferðaröngþveiti og töfum Innlent Tók dóttur sína og erfingja með til Kína Erlent Þriggja mánaða bið eftir greftrun: „Þetta var óbærilegur yfirgangur“ Innlent Felldu ellefu í árás á bát meintra smyglara frá Venesúela Erlent Svikahrappur bankaði upp á og hafði peninga af eldri borgurum Innlent Fleiri fréttir Svikahrappurinn gripinn glóðvolgur og grunaður um fleiri svik Eitt kynferðisbrot tilkynnt til lögreglu eftir Þjóðhátíð Stuðningurinn við Úkraínu beintengdur öryggi Íslands Dregið hefur úr skriðuhættu Gervigreindin taki undir ranghugmyndir og skorti næmni Svikahrappur bankaði upp á og hafði peninga af eldri borgurum Afsala hollvinasamtökum félagsheimilinu á Flateyri Leita enn manna eftir að hnífur var dreginn upp í Breiðholti Skýra mætti lög um útfarir til að koma í veg fyrir óvissu Vill skylda þá sem sæta nálgunarbanni til að bera ökklabönd Segir andúð meiri í garð Miðflokksmanna en trans fólks Kristrún í Kaupmannahöfn með Selenskí og fleirum Hundruð sprengjusérfræðinga koma saman á Íslandi Húðin gleymi engu og ekki hægt að taka til baka skaðann sem er skeður Kristrún fundar með Selenskí og öðrum leiðtogum í dag Heimilisofbeldi og umsátur varði samfélagið allt Rannsaka stórfellda líkamsárás í Seljahverfi Vegaframkvæmdir við Höfðabakka valdi bæði umferðaröngþveiti og töfum Enn eigi margir eftir að gera upp hug sinn um aðildarviðræður Vonast til að uppsagnir leiði ekki til flutnings fólks af svæðinu Laugarnestangi skrefi nær friðlýsingu Bjarnhólastígur gata ársins í Kópavogi Keyrðu hratt á hjólreiðastíg og tóku fram úr reiðhjólamönnum á háannatíma Vonbrigði að tillögu um símabann og samræmd próf hafi verið vísað frá Regnbogafánar víða við hún: Umræðan „grátbrosleg en samt grafalvarleg“ Þriggja mánaða bið eftir greftrun: „Þetta var óbærilegur yfirgangur“ „Borgarstjórn stendur með trans fólki og hinsegin samfélaginu öllu“ „Það logar allt í hinsegin samfélaginu“ Beið í marga mánuði eftir að jarða móður sína Komst upp úr sjónum af sjálfsdáðum Sjá meira
Það var löngu ákveðið hvern Lilja Dögg Alfreðsdóttir mennta- og menningarmálaráðherra myndi skipa sem Þjóðleikhússtjóra. Hið sama virðist vera uppi á teningnum í Efstaleiti þar sem stjórn RÚV vill velja í stól útvarpsstjóra bak við luktar dyr. Þetta segir Hólmfríður Gísladóttir, fréttastjóri Mannlífs, í leiðara sínum í dag. Hún segir ólykt liggja frá Efstaleiti þessa dagana þar sem staða útvarpsstjóra hefur verið auglýst til umsóknar. Stjórn Ríkisútvarpsins eigi að skammast sín. Eins og fram hefur komið hefur stjórn Ríkisútvarpsins hafnað því að gefa upp nöfn umsækjenda um stöðuna. Bera þeir fyrir sig ráðgjöf frá ráðgjafarfyrirtæki sem telji að hæfara fólk sæki um verði nöfn umsækjenda ekki gerð opinber. Úrskurðarnefnd upplýsingamála hefur kveðið upp úrskurð um að RÚV þurfi ekki að birta nöfnin. Það þýði þó ekki að RÚV megi ekki birta nöfnin. „Það leggur ólykt frá Efstaleiti,“ segir Hólmfríður. Upphaflegur umsóknarfrestur um stöðuna rann út þann 2. desember. Stjórn RÚV ákvað hins vegar að framlengja frestinn til 9. desember án skýringa. Úr leiðara Hólmfríðar í dag. Fyrirfram ákveðin niðurstaða? „Fnyk af spillingu og fyrirfram ákveðinni niðurstöðu. Þegar hart er sótt að Ríkisútvarpinu úr mörgum áttum ákveður stjórn hins opinbera hlutafélags að stíga fram og færa andstæðingum „RÚV“ sprengjuvörpu í jólagjöf. „Við ætlum ekki að birta nöfn umsækjenda til að fá hæfustu umsækjendurna. Af því að ráðgjafarfyrirtækið úti í bæ sagði það.“ Hólmfríður lýsir þessum svörum RÚV sem bulli. Sá sem hafi hæfileika og metnað til að sækja um stöðu útvarpsstjóra sé ekki í þeirri stöðu að þurfa að leyna því. „Á þetta núna að verða boðleg afsökun til að veita ekki upplýsingar um umsækjendur um mikilvægar stöður? Hvarflaði ekki að neinum í pólitískri stjórn RÚV að vega og meta ávinninginn af því að halda upplýsingunum leyndum annars vegar og að fara í feluleik gagnvart þjóðinni hins vegar? Er enginn ímyndarráðgjafi starfandi hjá ráðgjafarfyrirtækinu?“ Segir löngu vitað að Magnús Geir yrði útvarpsstjóri Hólmfríður er sannfærð um að Lilja Alfreðsdóttir mennta- og menningarmálaráðherra hafi fyrir löngu verið búin að ákveða að skipa Magnús Geir Þórðarson, fráfarandi útvarpsstjóra, sem Þjóðleikhússtjóra. „Löngu áður en mennta- og menningarmálaráðherra tilkynnti um ráðningu nýs Þjóðleikhússtjóra var alveg sama við hvern var rætt; stjórnmálamenn, blaðamenn, leikna eða lærða ... allir hvísluðu verst geymda leyndarmálinu 2019; starf útvarpsstjóra yrði laust til umsóknar innan tíðar.“ Ráðningarferlið í Þjóðleikhúsinu hafi verið sjónarspil. Fleiri hafa talað á svipuðum nótum og græddi Magnús Ragnarsson, sjónvarpsstjóri hjá Símanum, peninga af fólki í veðmálum um hver yrði skipaður Þjóðleikhússtjóri. Bauð hann fólkinu, sem hann hafði peningana af, upp á líkurnar fjórir gegn einum. Svo viss var hann í sinni sök. Var rétt í þeesu að vinna 4 veðmál. Nettó 120 þús kjall:https://t.co/0FjYmecwnY— Magnus Ragnarsson (@MagnusRagnars) November 1, 2019 Er búið að taka ákvörðunina Hólmfríður segir allt benda til þess að stjórn Ríkisútvarpsins vilji fá að velja í stól útvarpsstjóra bak við luktar dyr. „Er nema von að menn spyrji hvort búið sé að taka ákvörðunina? Hvort málið snúist ekki um að fá hæfustu umsækjendurna heldur rétta umsækjandann? Þurftu menn e.t.v. viku til viðbótar til að sjá hvernig stemningin yrði í þjóðfélaginu, hvort við myndum ekki bara sætta okkur við að fá ekki að vita, hvort plottið myndi ganga upp?“ Fjölmargar konur hafa verið nefndar til sögunnar sem næsti útvarpsstjóri.Vísir Þá hugsar hún til starfsmanna RÚV sem þurfi að berjast fyrir réttindum innanhúss á meðan utanhúss geisi stríð um vinnustaðinn. „Á sama tíma og þeir stunda dúndur rannsóknarblaðamennsku og þáttagerð, bæði í sjónvarpi og útvarpi, þá þurfa þeir að verja misgáfulegar ákvarðanir þeirra sem eru ofar í fæðukeðjunni. Verja tilvist sína sem, miðað við stöðuna á fjölmiðlamarkaði í dag, hefur e.t.v. aldrei verið mikilvægari. Skammastu þín Kári Jónasson og skammastu þín stjórn Ríkisútvarpsins. Skammist ykkar fyrir að standa ekki með starfsmönnum RÚV. Skammist ykkar fyrir að halda upplýsingum frá þjóðinni sem hún á rétt á. Skammist ykkar fyrir að fela ykkur á bak við þessa ljótu ohf-druslu sem pólitíkusarnir bjuggu til. Skammist ykkar.“
Fjölmiðlar Leikhús Ráðning útvarpsstjóra Vistaskipti Mest lesið Segir andúð meiri í garð Miðflokksmanna en trans fólks Innlent Kína sendir skilaboð til Bandaríkjanna og Trump svarar um hæl Erlent Rannsaka stórfellda líkamsárás í Seljahverfi Innlent Drekinn beraði vígtennurnar Erlent Keyrðu hratt á hjólreiðastíg og tóku fram úr reiðhjólamönnum á háannatíma Innlent Vegaframkvæmdir við Höfðabakka valdi bæði umferðaröngþveiti og töfum Innlent Tók dóttur sína og erfingja með til Kína Erlent Þriggja mánaða bið eftir greftrun: „Þetta var óbærilegur yfirgangur“ Innlent Felldu ellefu í árás á bát meintra smyglara frá Venesúela Erlent Svikahrappur bankaði upp á og hafði peninga af eldri borgurum Innlent Fleiri fréttir Svikahrappurinn gripinn glóðvolgur og grunaður um fleiri svik Eitt kynferðisbrot tilkynnt til lögreglu eftir Þjóðhátíð Stuðningurinn við Úkraínu beintengdur öryggi Íslands Dregið hefur úr skriðuhættu Gervigreindin taki undir ranghugmyndir og skorti næmni Svikahrappur bankaði upp á og hafði peninga af eldri borgurum Afsala hollvinasamtökum félagsheimilinu á Flateyri Leita enn manna eftir að hnífur var dreginn upp í Breiðholti Skýra mætti lög um útfarir til að koma í veg fyrir óvissu Vill skylda þá sem sæta nálgunarbanni til að bera ökklabönd Segir andúð meiri í garð Miðflokksmanna en trans fólks Kristrún í Kaupmannahöfn með Selenskí og fleirum Hundruð sprengjusérfræðinga koma saman á Íslandi Húðin gleymi engu og ekki hægt að taka til baka skaðann sem er skeður Kristrún fundar með Selenskí og öðrum leiðtogum í dag Heimilisofbeldi og umsátur varði samfélagið allt Rannsaka stórfellda líkamsárás í Seljahverfi Vegaframkvæmdir við Höfðabakka valdi bæði umferðaröngþveiti og töfum Enn eigi margir eftir að gera upp hug sinn um aðildarviðræður Vonast til að uppsagnir leiði ekki til flutnings fólks af svæðinu Laugarnestangi skrefi nær friðlýsingu Bjarnhólastígur gata ársins í Kópavogi Keyrðu hratt á hjólreiðastíg og tóku fram úr reiðhjólamönnum á háannatíma Vonbrigði að tillögu um símabann og samræmd próf hafi verið vísað frá Regnbogafánar víða við hún: Umræðan „grátbrosleg en samt grafalvarleg“ Þriggja mánaða bið eftir greftrun: „Þetta var óbærilegur yfirgangur“ „Borgarstjórn stendur með trans fólki og hinsegin samfélaginu öllu“ „Það logar allt í hinsegin samfélaginu“ Beið í marga mánuði eftir að jarða móður sína Komst upp úr sjónum af sjálfsdáðum Sjá meira