Hard­en í stuði hjá Hou­ston og Luka Doncic jafnaði met Jordan | Mynd­bönd

Fimm leikir fóru fram í NBA-körfuboltanum í nótt. Luka Doncic heldur áfram að fara á kostum hjá Dallas Mavericks sem vann sinn fimmta leik í röð.

Dallas rúllaði yfir New Orleans á heimavelli en heimamenn unnu með 46 stiga mun, 130-84, eftir að staðan hafi verið 64-52 í hálfleik.

Luka Doncic jafnaði met Michael Jordan en hann hefur nú leikið átján leiki í röð þar sem hann skoraði tuttugu stig eða meira, gefur fimm stoðsendingar eða fleiri og tekur fimm fráköst eða fleiri.

Luka Doncic ties record set by Michael Jordan, leads Mavs to dominant win over Pelicans https://t.co/T5iLPQZKaO

— Nicholas Loncar (@iDefendLA) December 8, 2019

Hann endaði leikinn í nótt með 26 stig, sex fráköst og níu stoðsendingar en Dallas hefur unnið 16 af fyrstu 22 leikjum sínum. New Orleans hefur einungis unnið sex af fyrstu 23.

James Harden átti góðan leik fyrir Houston sem vann sex stiga sigur, 115-109, á Phoenix á heimavelli. Harden gerði 34 stig en Houston er í öðru sæti suðvesturdeildarinnar.

Öll úrslit næturinnar:

New Orleans - Dallas 84-130

Indiana - New York 104-103

Cleveland - Philadelphia 94-1411

Phoenix - Houston 109-115

Memphis - Utah 112-126