Kvöldfréttir Stöðvar 2

Tuttugu og þrír létust af völdum sterkra verkjalyfja, eða svokallaðra ópíóíða, á Íslandi í fyrra. Læknir á Vogi segir að greiningum á ópíóíðafíkn haldi áfram að fjölga en nánar verður fjallað um málið í fréttum Stöðvar tvö klukkan hálf sjö.

Þar kynnum við okkur líka fyrirhugaðar endurbætur á flugstöð Reykjavíkurflugvallar í Vatnsmýri og forvitnumst um hvaða skilyrði umsækjendur um störf hjá Slökkviliði höfuðborgarsvæðisins þurfa að uppfylla, en 90 manns hafa þreytt inntökuprófið síðustu daga.

Þetta og margt fleira í fréttum Stöðvar tvö klukkan 18.30.