Ungverskt dómarateymi í Laugardalnum á morgun

Ungverjinn Tamas Bognar mun sjá um flautuleik á Laugardalsvelli á morgun þegar Andorra kemur í heimsókn á Laugardalsvöll og mætir strákunum okkar í H-riðli undankeppni EM 2020.

Honum til halds og trausts verða landar hans, Balazs Buzas og Peter Kobor. Varadómarinn er sömuleiðis ungverskur, Balazs Berke.

Bognar er 40 ára gamall og hefur dæmt á alþjóðagrundu frá árinu 2009 en hann hefur til að mynda dæmt í Evrópudeildinni á yfirstandandi leiktíð.

Leikur Íslands og Andorra hefst klukkan 18:45 á morgun.