Enn ein sprengingin á Amager

Enn ein sprenging varð á Amager í Kaupmannahöfn í nótt þegar handsprengju var kastað á kaffihús í borginni.

Lögregla segir að um átök í gengjastríði í borginni sé að ræða en á þessu ári hafa fjórtán slíkar sprengingar orðið, sem hefur orsakað að Danir ætla að taka upp landamæraeftirlit á landamærunum að Svíþjóð. Talið er að sprengiefnin berist þaðan.

Sprengjan sprakk um klukkan þrjú í nótt að dönskum tíma.

Engan sakaði í árásinni en Amagerbrogade var lokað í nokkrar klukkustundir í nótt. Hún hefur verið opnuð að nýju.

Átökin eru sögð á milli tveggja gengja, annað þeirra starfar á Norrebro en hitt í Hundige-hverfinu.