Spurning vikunnar: Kyssir þú makann þinn góða nótt?

Þegar mesta spennan er horfin úr samböndum eftir lostafulla siglingu á bleika skýinu byrjar fólk smátt og smátt að koma sér vel fyrir í þægindarrammanum. Tíðni kynlífs minnkar og fólk einbeitir sér jafnvel meira að því að fá góðan svefn heldur en að kyssast og kúra.

Góða nótt kossinn er misheilagur í samböndum og segja sumir hann jafnvel vera að deyja út í nútíma samböndum. Fólk setur aðra hluti í forgang og í dag er ekki óalgengt að fólk taki raftæki með sér upp í rúm á kvöldin og sofni út frá vafri á netinu eða sjónvarpsefni.

Rannsóknir hafa samt sem áður sýnt fram á mikilvægi kossa bæði líffræðileg áhrif sem og áhrif á nánd milli fólks. 

Makamál ætla að kanna þetta aðeins betur en vilja byrja á því að beina spurningu vikunnar til fólks sem er í sambandi. 

Kyssir þú makann þinn góða nótt?