David de Gea var orðlaus eftir tap Manchester United fyrir Newcastle í ensku úrvalsdeildinni í gær. Hann bað stuðningsmennina afsökunar á enn einni slæmu frammistöðunni.
United hefur ekki unnið útileik síðan í mars og er aðeins með níu stig eftir átta leiki í ensku úrvalsdeildinni.
De Gea var spurður eftir leik hvað United þyrfti að bæta. „Allt. Það þarf að bæta mikið af hlutum.“
„Ég veit ekki hvað ég á að segja. Við reynum að bæta okkur á hverjum degi.“
„Þetta er erfiðasti tíminn sem við höfum gengið í gegnum síðan ég kom hingað,“ sagði spænski markvörðurinn, en hann kom til liðsins 2011.
„Ég veit ekki afhverju þetta er að gerast. Við fengum á okkur mark úr hornspyrnu. Það á ekki að gerast, það er óásættanlegt.“
Næsti leikur United er gegn erkifjendunum í Liverpool á Old Trafford eftir landsleikjahlé.
De Gea: Verstu tímar sem ég hef upplifað hjá United
