Einstæður faðir með þrjá drengi missti allar eigur sínar í bruna í Breiðholti fyrir tíu dögum enda var hann ótryggður. Einn drengjanna var að fikta með eld með þeim afleiðingum að íbúðin varð alelda en rætt verður við feðgana í fréttum Stöðvar 2 klukkan hálf sjö.
Þar höldum við líka áfram að fjalla um ferðaþjónustuna Iceland Igloo Village, sem rekin hefur verið ólöglega í Landssveit í allt sumar og um rafrettuvökva, en sölubann hefur verið sett á þrjú hundruð tegundir af vökvanum frá því að lög um rafrettur tóku gildi fyrr á árinu.
Loks kynnum við okkur íslenskan markað með notuð föt, sem hefur blómstrað undanfarið. Þetta og margt fleira í fréttum Stöðvar tvö, klukkan 18.30.
