Ingvar kemur inn fyrir Rúnar Alex

Ingvar Jónsson hefur verið kallaður inn í íslenska A-landsliðshópinn fyrir komandi leiki í undankeppni EM 2020 í stað Rúnars Alex Rúnarssonar.

Rúnar Alex á von á barni með unnustu sinni á næstu dögum.

Á blaðamannafundi Erik Hamrén þar sem hópurinn var kynntur sagði Hamrén að ef barnið yrði komið fyrir sunnudag yrði Rúnar með. Ef ekki þá yrði hann áfram úti hjá unnustu sinni.

Í dag tilkynnti KSÍ svo að Ingvar Jónsson hefði verið kallaður inn í stað Rúnars.

Ingvar hefur spilað 8 A-landsliðsleiki fyrir Ísland.

Ísland mætir heimsmeisturum Frakka á föstudag og Andorra næsta mánudag.

Markvörðurinn Ingvar Jónsson hefur verið kallaður inn í leikmannahóp A landsliðs karla í stað Rúnars Alex Rúnarssonar fyrir leikina í undankeppni EM 2020 sem eru framundan - heimaleikir gegn Frakklandi og Andorra 11. og 14. október. Ingvar hefur leikið 8 A landsleiki. pic.twitter.com/2qXgdNBNTJ

— Knattspyrnusambandið (@footballiceland) October 7, 2019