Kvöldfréttir Stöðvar 2

Óvenjumikill og viðvarandi lyfjaskortur hefur verið í landinu að undanförnu að sögn formanns Læknafélags Íslands. Skortur á vissum tegundum sýklalyfja hafi orðið til þess að notuð séu breiðvirkari sýklalyf sem geti valdið lyfjaónæmi. Hann segir að lyfjaskorturinn geti haft áhrif á heilsu fólks.

Fjallað verður nánar um málið í kvöldfréttum Stöðvar 2 klukkan 18:30.

Framkvæmdastjóri Félags íslenskra bifreiðaeigenda telur að veggjöld innan höfuðborgarsvæðisins muni koma verst niður á tekjulágum. Tollarnir geti numið allt að tvöföldum mánaðarlaunum fólks á lágmarkslaunum. Rætt verður við hann og fólkið í umferðinni um fyrirhuguð veggjöld sem eiga að fjármagna ýmsar framkvæmdir, líkt og borgarlínu, á næstu árum.

Einnig verður rætt við utanríkisráðherra Norðurlanda sem funduðu í Borgarnesi í dag. Þeir segja að losun gróðurhúsalofttegunda hafi náð nýjum hæðum. Þá ætla þeir að bjóða fram aðstoð sína til að vinna gegn eyðingu regnskógana á Amazonsvæðinu.

Einnig hittum við konu sem beitir óhefðbundnum aðferðum við ræktun á kartöflum og skoðum nýja sýningu þar sem hægt er að fljúga yfir næstum þrjátíu staði á Íslandi á innan við klukkutíma.

Þetta og margt fleira á samtengdum rásum Stöðvar 2, Bylgjunnar og Vísis klukkan 18:30.