Cagliari ekki refsað fyrir kynþáttaníð

Ítalska félagið Cagliari þarf ekki að sæta refsingar vegna kynþáttaníðs stuðningsmanna í garð Romelu Lukaku eftir rannsókn ítalska knattspyrnusambandsins.

Þegar Lukaku gerði sig tilbúinn í að taka vítaspyrnu kölluðu stuðningsmenn heimaliðsins meint kynþáttaníð í átt að Lukaku en samkvæmt íþróttadómara á vegum Seria A var ekki nóg af sönnunargögnum til þess að refsa Cagliari.

Félagið þarf hins vegar að borga 5 þúsund evrur í sekt fyrir að kasta plastflöskum inn á völlinn þegar liðið spilaði við Parma á sunnudag.

Þetta er í þriðja skipti sem Cagliari hefur setið rannsókn fyrir kynþáttaníð.