Þekktur lögmaður skotinn í Stokkhólmi

Karlmaður var skotinn í íbúð á Kungsholmen í sænsku höfuðborginni Stokkhólmi í morgun. Að sögn sænskra fjölmiðla er fórnarlambið þekktur lögmaður og hafi verið á leið til vinnu þegar árásin átti sér stað.

Lögmaðurinn var skotinn nokkrum sinnum og hefur lögregla yfirheyrt nokkra vegna málsins. Hafi meðal annars sést til konu þar sem hún var flutt á brott í lögreglubíl.

Aftonbladet segir frá því að árásin hafi átt sér stað klukkan níu að staðartíma, eða sjö að íslenskum tíma. Var lögmaðurinn skotinn í bringu, höfuð og búk.

Ekki liggur fyrir um ástand mannsins að svo stöddu en honum tókst að koma sér út á götu þar sem sjúkralið kom að honum.