Fótbolti

126 milljóna evra maðurinn afgreiddi Juventus

Anton Ingi Leifsson skrifar
Felix fagnar öðru markinu í dag.
Felix fagnar öðru markinu í dag. vísir/getty
Atletico Madrid vann 2-1 sigur á Juventus í æfingarleik, í Internation Champions Cup mótinu, en leikurinn fór fram á Friends Arena í Stokkhólmi í dag.

Fyrsta markið kom á 24. mínútu. Frábær fyrirgjöf Kieran Trippier rataði hjá Joao Felix sem virtist vera skora en boltinn fór af hnénu á Thomas Lemar og þaðan í netið.

Lemar fékk því markið skráð á sig þrátt fyrir að boltinn hafi verið á leið inn en fimm mínútum síðar jafnaði Samir Khedira metin með góðu skoti.

Fjörinu í fyrri hálfleik var ekki lokið því Felix var aftur á ferðinni á 33. mínútu með glæsilegu skoti eftir sendingu frá Thomas Lemar. Atletico 2-1 yfir í leikhlé.

Ekkert mark var skorað í síðari hálfeik og lokatölur því 2-1 sigur Atletico. Hetjan, Joao Felix sem kom til félagsins frá Benfica í sumar en Atletico borgaði 126 milljónir evra fyrir hann.

Atletico Madrid spilar gegn Getafe um næstu helgi í fyrstu umferð spænsku úrvalsdeildarinnar á meðan Juventus spilar við Parma eftir tvær vikur í fyrstu umferðinni á Ítalíu.







Ítalski boltinn Spænski boltinn

Mest lesið


Fleiri fréttir

Sjá meira


×

Mest lesið