Rúrik fagnaði sigri gegn gömlu félögunum

Rúrik Gíslason var í byrjunarliði Sandhausen sem vann 3-2 sigur á Nürnberg í þýsku B-deildinni í kvöld.

HEIMSIEG

___________#SVSFCN#SVS1916pic.twitter.com/ZOroBUy7lp

— SV Sandhausen 1916 e.V. (@SV_Sandhausen) August 16, 2019

Rúrik lék með Nürnberg áður en hann fór til Sandhausen í ársbyrjun 2018 og fagnaði því sigri á sínum gömlu félögum í kvöld.

Þetta var fyrsti sigur Sandhausen á tímabilinu. Liðið er í 8. sæti deildarinnar með fjögur stig eftir þrjá leiki.

Rúrik lék sem fremsti maður hjá Sandhausen í kvöld. Hann var tekinn af velli á 78. mínútu, í stöðunni 2-2. Þegar mínúta var til leiksloka skoraði Philip Turpitz sigurmark Sandhausen.

Næsti leikur Rúriks og félaga er gegn Heidenheim sunnudaginn 25. ágúst.