Amazon Prime gerir þátt um strákana okkar

Steymisveitan Amazon Prime er að vinna að nýrri þáttaröð sem ber nafnið This is football, eða þetta er fótbolti, og þar kemur íslenska landsliðið við sögu.

Þetta kemur fram í klippu sem birtist á dögunum en RÚV greinir fyrst frá. Í klippunni er meðal annars rætt við Heimi Hallgrímsson.

Í þáttaröðinni er einnig fjallað um stórstjörnur eins og Lionel Messi, framgöngu Chelsea í Meistaradeildinni og stórveldið Bayern Munchen.

Einn þáttur í röðinni er tileinkaður íslenska landsliðinu sem varð fámennasta þjóðin í sögu HM er liðið keppti á HM í Rússlandi síðasta sumar.

Þetta er ekki í fyrsta sinn sem Amazon gerir þáttaröð er varðar fótbolta en liðið gerði eftirminnilega þáttaröð um magnað tímabil Manchester City 2017/2018.